AKPEYEREN RẸ INENIKRISTI
Uphẹn rẹ Avwanre Vwọ Bọn, Je Vwẹrote Asan Avwanre Da Ga Ẹga rẹ Uyota
Ọ guọnọ ẹgbaẹdavwọn vẹ igho rere a sa vwọ bọn uwevwin ẹga na vwẹ Izrẹl. Dedena, ihwo rẹ Izrẹl ruiruo rẹ ebabọn na vẹ oruru. (1 Ikun 29:2-9; 2 Ikun 6:7, 8) Ọke ra vwọ bọn uwevwin rẹ ẹga na nu, oborẹ ihwo rẹ Izrẹl vwẹrote uwevwin na wan ọyen djerephia sẹ ayen vwo ọdavwẹ rẹ Ota rẹ Ọghẹnẹ yẹrẹ ayen vworo-o. (2 Ivie 22:3-6; 2 Ikun 28:24; 29:3) Nonẹna, Inenikristi ghwọrọ ọke vẹ ẹgba rayen vwọ bọn, vwẹrote, ji ruẹ Eguan Ruvie vẹ Eguan rẹ Emẹvwa fuan. Re vwo nene Jihova wian vwẹ idjerhe nana ọyen okpuphẹn, ọyen je ẹbẹre ọvo rẹ ẹga ọfuanfon rẹ avwanre vwọ kẹ Jihova. —Une 127:1; Ẹvwọ. 7:15.
AVWANRE SE VWOBỌ VWỌ WOMARẸ . . .
E vwo ruẹ asan eje fuan siẹrẹ e de ru uyono nu. Ọ da dia obo wo se ru, tọrọ ikuekun rehẹ asan ru wo chidia na.
E vwo vwobọ vwẹ orufon kugbe ẹrhuẹrẹ rẹ Ọguan Ruvie na ọkieje. Ihwo buebun de vwobọ vwẹ owian na, ọ nẹrhẹ ọ vwerhan, ọ je nẹrhẹ ọ phẹrẹ. —lv 92-93 ẹko. 18.
E vwo ru itetoro. Tobọ itetoro rẹ “anini ivẹ” re ru nẹ otọ rẹ ubiudu rhe vwerhen Jihova oma.—Mak 12:41-44.
Wọ vwọ vwẹ oma kpahotọ vwọ kẹ ebabọn rẹ asan rẹ avwanre da ga ẹga siẹrẹ ẹgba wẹn de muo. A guọnọ ona rẹ Ebabọn vuọvo tavwen wo ki se vwobọ vwọ-ọ.