Edurhie
1. Ọke vọ yen egbada-ẹdjẹ rẹ edurhie rẹ ọghwẹkoko na cha vwọ tonphiyọ?
1 Wo de muegbe rẹ uvi udemu vwọ kẹ igbeyan yẹrẹ orua wẹn, marho ọ da dia ọrẹ wọ ghwọrọ ọke vẹ igho phiyọ, o muẹro nẹ oma cha vwerhe owẹ vwo durhie ihwo. Ọtiọyen, a je ghwọrọ ọke vwo muegbe rẹ udemu rẹ ẹwẹn ra cha vwọ phia vwẹ ọghwẹkoko rẹ avwanre rọ cha na. Jihova kẹ avwanre uphen re che vwo durhie ihwo idughwrẹn erha tavwen ẹdẹ rẹ ọghwẹkoko na ki te. Die sa chọn avwanre uko durhie ihwo vẹ osasavwe?
2. Die yin che mu avwanre vwo vwobọ vọnvọn vwẹ egbada-ẹdjẹ nana?
2 Avwanre che vwobọ vwẹ egbada-ẹdjẹ nana vọnvọn siẹrẹ avwanre de roro kpahen erere rẹ avwanre mrẹ nẹ iyono ri Jihova vwọkẹ avwanre womarẹ eghwẹkoko rẹ avwanre. (Aiz. 65:13, 14) Avwanre karophiyọ nẹ egbada-ẹdjẹ ri kukpe kukpe na vwẹ omamọ rẹ iyẹnrẹn phia. (Ni ekpeti na “Omamọ Iyẹnrẹn Nuro Rhe.”) Ihwoevo rẹ avwanre che durhie che nene avwanre kpẹ ọghwẹkoko na, efa cha ra-a. Otoro uchunu rẹ ihwo re cha rhe-e, ẹgba-ẹdavwọn rẹ avwanre vwẹ ọke rẹ egbada-ẹdjẹ na che brọghọ phiyọ Jihova oma, o ji che dje uruemu rẹ ẹse rọyen phia.—Une 145:3, 7; Ẹvwọ. 22:17.
3. Mavọ yen a cha ghare ọmọbe edurhie na wan?
3 Ekpako na jiroro rẹ obo rẹ ukoko na se vwo durhie ihwo buebun, ji brorhiẹn sẹ a sa yanjẹ ọmọbe edurhie na vwo vwẹ ẹchẹ rẹ ihwo rehẹ evunrẹ uwevwi-in, yẹrẹ reyọ vwọ wian vwẹ aghwoghwo rẹ azagba. O de shephiyọ, a sa ghare imagazini vẹ ọmọbe edurhie na vwẹ oba rẹ idughwrẹn na. Mavọ oma cha vwerhe avwanre te siẹrẹ avwanre da nabọ durhie ihwo buebun nẹ ayen rhi kuomaba avwanre re avwerhe rẹ iyono ri Jihova muegbe rọyen na!