Vwẹ jw.org Wian vwẹ Iruo rẹ Aghwoghwo Wẹn

Wẹb saiti rẹ avwanre ọyẹn omamọ rẹ ọrọvwọn ravwọ hẹrẹ iyẹnrẹn esiri na “re te oba rẹ akpọ na.” (Iruo Rẹ Iyinkọn Na 1:⁠8) Buebun rẹ ihwo avwanre ghwoghwo kẹ riẹn kpahen Wẹb saiti na-a. Avwanre yen dje Wẹb saiti na kẹ ayen.

Oniruo ro kiẹn ọvo danlodu rẹ ividio na Diesorọ E Vwo Yono Baibol Na? phiyọ ifonu rọyen ro dje kẹ ihwo ọke uphẹn de rhiephiyọ. Kerẹ udje, o de ghwoghwo nuwevwin kpuwevwin, ọ me ta: “Mi kọn brẹ ihwo ra rere mi vwọ vwẹ ukẹcha kẹ ayen mrẹ ẹkpahọnphiyọ rẹ enọ erha nana re pha ghanghanre na: Diesorọ ebẹnbẹn vwọ vọn akpọ na? Mavọ yen Ọghẹnẹ cha rhuẹrẹ ebẹnbẹn nana phiyọ wan? Mavọ yẹn avwanre sevwo yerin ghene ebẹnbẹn nana? Ividio nana kpahenphiyọ enọ nana.” O mi hworo ividio na kẹ ohwo na rere ọ mrẹ obo ohwo na cha ta. Ividio na mu ẹwẹn ihwo buebun reyọ mamọ tẹdia rẹ ayen se si ẹro nẹ ividio na-a. Oniruo ro kiẹn na de hworo nu, ọ me ta: “Wo nyoro a vwọ ta vwẹ ividio na nẹ wọ sa nokpẹ rẹ uyono ri Baibol vwẹ intanẹti. Mi ghwa vwọhẹ etinẹ na, mi se dje obo re ruo kẹ wẹ” ohwo na da rhọvwen, kọ vwẹ ibroshọ rẹ Good News na vwo dje obo re ruẹ uyono na kẹ ohwo na. Ohwo na rhe vwo uphẹ-ẹn, ko ru ọrhuẹrẹphiyotọ rovwo hworo kẹ ọkeọfa o de rhivwin bro ra. Ọtiọyen ọ je vuẹ ohwo ro chidia kẹrẹ ọke ro de te asan ro de rovwoma. Wọ vwẹ jw.org vwọ wian vwẹ aghwọghwo wẹn?