UYONO 17

Jẹ Ihwo Vwo Ẹruọ Wẹn

1 Kọrẹnt 14:9

ỌDJẸKOKO: Chọn ihwo uko vwo vwo ẹruọ rẹ ovuẹ wẹn.

Nabọ muegbe rẹ ota wẹn. Vwo ẹruọ rẹ uyovwinrota na, rere wọ sa vwọ reyọ eta romobọ wẹn vwo djefiotọ lọlọhọ.
Wo jẹ eta wẹn gron nọ-ọ. Vwẹ eta kprẹn vwo dje ẹkpo eghanghanre fiotọ, ẹkpo wọ guọnọ nẹ ihwo wọ ta ota kẹ na vwo ẹruọ rọyen.

Kenoma kẹ evuẹ re sa yanghan ẹwẹn rẹ ihwo wọ ta ota kẹ na. Vwẹ eta elọlọhọ vwọ ta ota wẹn.
Nabọ dje eta rẹ ihwo ghwa riẹ-ẹn fiotọ. Vwẹ eta rẹ ihwo na nabọ riẹn vwọ ta ota wẹn. Ọ da dianẹ wọ cha rionbọ kpo oborẹ ihwo ghwa riẹ-ẹn kerẹ eta, ihwo rehẹ Baibol na, ovwanvwen yẹrẹ ekuruemu rẹ ọke awanre, davwẹngba wọ vwọ nabọ djefiotọ.