UYONO 11

Ta Ota vẹ Oruru

Rom 12:11

ỌDJẸKOKO: Ota wẹn che mu ihwo vwo ruiruo siẹrẹ wọ da ta ota na vẹ oruru.

Jẹ ota na te ubiudu wẹn komobọ. Wo de muegbe rẹ obo wọ cha ta, roro kpahen ọghanrovwẹ rẹ ovuẹ na. Nabọ riẹn ota wẹn na rere wọ sa vwọ ta nẹ ubiudu rhe.
Roro kpahen ihwo wọ ta ota kẹ na. Roro kpahen oborẹ ovuẹ wo che se yẹrẹ wo che yono na se vwo fi erere vwọ kẹ ihwo na. Roro kpahen idjerhe wo se vwo ruo rere ihwo na vwo dje ọdavwaro okokodo kpahen obo wọ ta na.
Ta ota wẹn na sasasa. Ta ota vẹ oruru. Reyọ oma vẹ opharo vwọba ta ota, wo se vwo dje obo rehẹ ubiudu wẹn phia.

Vwẹ oma wẹn vwọba ta ota vwẹ idjerhe abavọ. Ọ rha dia ọtiọye-en, o che mu ẹwẹn rẹ ihwo na vwo nẹ ota na. Ta ota vẹ oruru ma rho wo de yono ẹkpo eghanghanre kugbe wọ da guọnọ nẹ obo wọ ta na mu ihwo wọ ta ota kẹ na vwo ruiruo. Ẹkẹvuọvo, wo jẹ oruru wẹn vrẹka-a, kidie ọ cha nẹrhẹ ofu dje ayen.