پاک کلام سے متعلق سوالوجواب
خدا کیسی ہستی ہے؟
خدا ایک روحانی ہستی ہے جسے ہم دیکھ نہیں سکتے۔ اُس نے زمین، آسمان اور سب جانداروں کو بنایا ہے۔ خدا کو کسی نے نہیں بنایا۔ اُس کی کوئی اِبتدا نہیں۔ (زبور 90:2) خدا چاہتا ہے کہ لوگ اُسے ڈھونڈیں اور اُس کے بارے میں سچائی جانیں۔—اعمال 17:24-27 کو پڑھیں۔
ہم خدا کو اُس کے نام سے جان سکتے ہیں۔ ہم اُس کی بنائی ہوئی چیزوں سے اُس کی کچھ صفات کے بارے میں جان سکتے ہیں۔ (رومیوں 1:20) لیکن خدا کو اچھی طرح سے جاننے کے لیے ضروری ہے کہ ہم اُس کے کلام کا مطالعہ کریں۔ اِس طرح ہم جان جائیں گے کہ خدا کتنا شفیق ہے۔—زبور 103:7-10 کو پڑھیں۔
خدا نااِنصافی کو دیکھ کر کیسا محسوس کرتا ہے؟
ہمارے خالق یہوواہ کو نااِنصافی سے نفرت ہے۔ (رومیوں 9:14) اُس نے اِنسانوں کے اندر اپنے جیسی صفات ڈالی ہیں۔ اِسی لیے زیادہتر لوگوں کو نااِنصافی سے نفرت ہے۔ آج دُنیا میں جو نااِنصافی پھیلی ہوئی ہے، اُس کے پیچھے خدا کا ہاتھ نہیں ہے۔ خدا نے اِنسانوں کو اپنی مرضی سے فیصلہ کرنے کی آزادی دی ہے۔ لیکن افسوس کی بات ہے کہ بہت سے لوگ اِس آزادی کا ناجائز فائدہ اُٹھاتے ہیں اور نااِنصافی سے کام لیتے ہیں۔ یہ دیکھ کر یہوواہ خدا کا دل بہت دُکھتا ہے۔—پیدایش 6:6،5؛ استثنا 32:5،4 کو پڑھیں۔
یہوواہ خدا اِنصافپسند ہے اور وہ زیادہ دیر تک نااِنصافی کو برداشت نہیں کرے گا۔ (زبور 37:29،28) پاک کلام میں خدا نے وعدہ کِیا ہے کہ وہ بہت جلد اِس دُنیا سے نااِنصافی کو ختم کر دے گا۔—2-پطرس 3:7-9،13 کو پڑھیں۔
پاک کلام میں خدا نے وعدہ کِیا ہے کہ وہ بہت جلد سب لوگوں کو اِنصاف دِلائے گا۔