مسیحیوں کے طور پر زندگی
آپ کس کی بڑائی کر رہے ہیں؟
زندگی ایک بیشقیمت تحفہ ہے۔ ہم اِس تحفے کو جس طرح اِستعمال کرتے ہیں، اُس سے ظاہر ہوتا ہے کہ ہم اِس کی کتنی قدر کرتے ہیں۔ یہوواہ کے گواہوں کے طور پر ہم اپنی صلاحیتوں اور مہارتوں کو یہوواہ کی بڑائی اور عزت کے لیے اِستعمال کرتے ہیں کیونکہ اُس نے ہمیں زندگی دی ہے۔ (زبور 36:9؛ مکا 4:11) لیکن اِس بُری دُنیا میں ہمیں ہر روز پریشانیوں کا سامنا ہوتا ہے جس کی وجہ سے شاید ہم خدا کی خدمت کو کم اہمیت دینے لگیں۔ (مر 4:18، 19) اِس لیے ہم اپنا جائزہ لینے کے لیے خود سے یہ سوال پوچھ سکتے ہیں: ”کیا مَیں بھرپور طریقے سے یہوواہ کی خدمت کر رہا ہوں؟ (ہوس 14:2) کیا مَیں اپنی ملازمت کی وجہ سے یہوواہ کی خدمت کو کم اہمیت دے رہا ہوں؟ خدا کی خدمت کرنے کے حوالے سے مَیں نے کون سے منصوبے بنائے ہیں؟ مَیں خدا کی خدمت زیادہ اچھی طرح کرنے کے لیے کیا کر سکتا ہوں؟“ اگر آپ کو لگے کہ خدا کی خدمت کے حوالے سے آپ کو اپنے اندر بہتری لانے کی ضرورت ہے تو یہوواہ خدا سے مدد مانگیں اور اپنی زندگی میں ضروری تبدیلیاں کریں۔ بےشک ہر روز یہوواہ کی بڑائی کرنے سے ہماری زندگی خوشی اور اِطمینان سے بھر جائے گی۔—زبور 61:8۔
آپ اپنی صلاحیتوں کو کس کے لیے اِستعمال کر رہے ہیں؟
ویڈیو USE YOUR TALENT FOR JEHOVAH کو ہندی میں دیکھیں اور پھر اِن سوالوں کے جواب دیں:
آپ کو اپنی صلاحیتوں کو شیطان کی دُنیا کے لیے کیوں اِستعمال نہیں کرنا چاہیے؟ (1-یوح 2:17)
اُن لوگوں کو کون سی برکتیں ملتی ہیں جو بھرپور طریقے سے یہوواہ کی خدمت کرتے ہیں؟
آپ خدا کی خدمت کے کن حلقوں میں اپنی صلاحیتوں اور مہارتوں کو اِستعمال کر سکتے ہیں؟