‏”‏نیک کام“‏ کرتے رہیں

^۱ آپ نے یہوواہ کے خادم بن کر نیک کام کِیا تھا۔ تاہم، اب ہمیں اِن تشویشناک ایّام میں ”‏نیک کام“‏ کرتے رہنے کا چیلنج درپیش ہے۔ (‏گل ۶:‏۹‏)‏ اگرچہ اس کے لئے سخت کوشش درکار ہے لیکن آپ ایسا کر سکتے ہیں۔ کیسے؟‏

^۲ یسوع جیسا ذہنی میلان پیدا کریں:‏ اگر آپ بادشاہتی اُمید پر توجہ مرکوز رکھتے ہیں تو آپ بھی یسوع کی طرح آزمائشوں کا سامنا کر سکتے ہیں۔ (‏عبر ۱۲:‏۲، ۳‏)‏ اس بات کا یقین رکھیں کہ یہوواہ آپ سے محبت رکھتا ہے اور آپ کو کامیابی حاصل کرتے ہوئے دیکھنا چاہتا ہے۔ (‏۲-‏پطر ۳:‏۹‏)‏ اُس پر مکمل بھروسا رکھیں کہ وہ آپ کی مدد کرے گا۔ (‏۱-‏کر ۱۰:‏۱۳‏)‏ دُعا میں مشغول رہیں اور برداشت کرنے کے لئے یہوواہ سے مدد مانگیں۔ (‏روم ۱۲:‏۱۲‏)‏ اس اعتماد سے شادمان ہوں کہ آپ کی برداشت سے آپ کو یہوواہ کی نظروں میں مقبولیت حاصل ہوگی۔ (‏روم ۵:‏۳-‏۵‏)‏ وفاداری سے ’‏مسیح یسوع جیسا مزاج‘‏ پیدا کرنے سے آپ اطمینان حاصل کرنے کے ساتھ ساتھ یہوواہ کے دل کو بھی شاد کریں گے۔—‏روم ۱۵:‏۵؛‏ امثا ۲۷:‏۱۱‏۔‏

^۳ نیک کام کرتے رہیں:‏ نیک کام کرنے کے لئے اپنے بندوں کی مدد کے سلسلے میں یہوواہ کی فراہمیوں سے بھرپور فائدہ اُٹھائیں۔ خدا کے کلام کو پڑھنے بلکہ اس کا گہرا مطالعہ کرنے کے لئے ایک عمدہ ذاتی معمول بنائیں۔ کلیسیا کے تمام اجلاسوں کی اچھی تیاری کریں، اُن پر حاضر ہوں اور شرکت کریں۔ اجلاسوں سے پہلے اور بعد میں اپنے مسیحی بہن‌بھائیوں کے ساتھ گرمجوشی سے ملیں۔ میدانی خدمت میں بامقصد شرکت کریں اور دوسروں کو خوشخبری سنانے کی لیاقت کو بہتر بنانے کے لئے اپنی خدمتگزاری کے سلسلے میں حقیقت‌پسندانہ نشانے قائم کریں۔‏

^۴ اس طرح آپ مسلسل نیک کام کرنے کے علاوہ بڑی خوشی کا تجربہ بھی کریں گے۔ اس ضمن میں اٹلی کے ایک بھائی نے کہا:‏ ”‏یہ سچ ہے کہ یہوواہ کی خدمت میں پورا دن صرف کرنے کے بعد جب مَیں شام کے وقت گھر آتا ہوں تو مجھے بہت تھکاوٹ محسوس ہوتی ہے۔ لیکن مَیں خوش اور یہوواہ کا شکرگزار ہوں جس نے مجھے ایسی خوشی دی ہے جسے کوئی چھین نہیں سکتا۔“‏ چنانچہ، نیک کام کرتے رہیں تو آپ بھی بڑی خوشی کا تجربہ کریں گے۔‏