گیت نمبر ۲۱
رحمدل مبارک ہیں
(متی ۵:۷)
۱. مبارک ہیں سب رحمدل
ہے روشن اُن کا مستقبل
بتاتے ہیں وہ سب کو یہ
رب خوش ہے رحمدلی سے
انساں پر اُس نے رحمت کی
کہ یسوع کی قربانی دی
وہ جانتا ہم ہیں خطاکار
سو کرتا رحم بےشمار
۲. خدا رحیم کو معاف کرتا
خطائیں اُس کی وہ بخشتا
احساں خدا کا ہم مانتے
کہ رحم کرتا وہ ہم پہ
یہوواہ کا پیغام دے کر
ہم رحم کرتے دوسروں پر
یوں حوصلہ دیتے لوگوں کو
بادشاہت پہ آس رکھیں وہ
۳. انصاف کا دن جب آئے گا
یہوواہ رحم کرے گا
اُن لوگوں پر جو ہیں رحیم
فروتن، صادق اور حلیم
خدا کی رحمت ہے کمال
محبت اُس کی بےمثال
پس ہوں سدا ہم بھی رحیم
یوں کریں رب کی ہم تعظیم
(لو ۶:۳۶؛ روم ۱۲:۸؛ یعقو ۲:۱۳ کو بھی دیکھیں۔)