مضامین کی فہرست

ہمارا علم ہمیں تبھی فائدہ دے گا جب ہم اِس کو کام میں لائیں گے۔ لیکن سیکھی ہوئی باتوں پر عمل کرنے کے لیے خاکساری ضروری ہے۔ اِس مضمون میں ہم خدا کے اُن بندوں کی مثالوں پر غور کریں گے جنہوں نے ہر طرح کے لوگوں کو مُنادی کی، دوسروں کے لیے دُعا کی اور صبر سے یہوواہ کے کارروائی کرنے کا اِنتظار کِیا۔ ایسی مثالوں پر غور کرنے سے ہمیں خاکسار رہنے میں مدد ملے گی۔‏

چونکہ ہم ایک کٹھن دَور میں رہ رہے ہیں اِس لیے ہم آسانی سے بے‌حوصلہ اور نااُمید ہو سکتے ہیں۔ ایسے حالات میں یہوواہ خدا اور یسوع مسیح ہماری مدد کرتے ہیں۔ لیکن یہ ہماری بھی ذمے‌داری ہے کہ ہم ایک دوسرے کو تسلی دیں اور ایک دوسرے کا حوصلہ بڑھائیں۔ اِس مضمون میں ہم سیکھیں گے کہ ہم محبت کے ذریعے ایک دوسرے کو کیسے مضبوط بنا سکتے ہیں۔‏

یہوواہ ”‏خوش‌دل خدا“‏ ہے اور وہ چاہتا ہے کہ اُس کے بندے بھی خوش رہیں۔ لیکن ہم شیطان کی دُنیا میں رہتے ہیں اور اِس وجہ سے ہمیں بہت سی مشکلات اور پریشانیوں کا سامنا کرنا پڑتا ہے۔ تو پھر ہم خوش کیسے رہ سکتے ہیں؟ اپنے پہاڑی وعظ میں یسوع مسیح نے بتایا کہ ہم دائمی خوشی کیسے حاصل کر سکتے ہیں۔‏

یہ دُنیا خودغرضی کی دَلدل میں دھنستی جا رہی ہے۔ لیکن سچے مسیحی خودغرض نہیں ہیں کیونکہ وہ دوسروں سے حقیقی محبت رکھتے ہیں۔ وہ اِس محبت کو فرق فرق طریقوں سے ظاہر کرتے ہیں جن میں سے ایک طریقہ یہ ہے کہ وہ دوسروں کا لحاظ رکھتے ہیں۔ اِن دو مضامین میں بتایا جائے گا کہ یہوواہ ہماری صورتحال اور احساسات کا لحاظ کیسے رکھتا ہے اور ہم اُس کی مثال پر کیسے عمل کر سکتے ہیں۔‏