مضامین کی فہرست

جب ہم کسی شخص کو بائبل کورس کراتے ہیں تو ہمارا کیا مقصد ہونا چاہیے؟ ایک شخص کو بپتسمہ لینے میں دیر کیوں نہیں کرنی چاہیے؟ بعض مسیحی والدین اپنے بچوں کو بپتسمہ لینے سے کیوں روکتے ہیں؟ اِن مضامین میں اِن سوالوں اور کچھ اَور سوالوں کے جواب دیے جائیں گے۔‏

پطرس رسول نے پہلی صدی عیسوی کے مسیحیوں کو نصیحت کی:‏ ”‏ایک دوسرے کی مہمان‌نوازی کریں۔“‏ (‏1-‏پطرس 4:‏9‏)‏ آج اِس نصیحت پر عمل کرنا اِتنا اہم کیوں ہے؟ ہم کن طریقوں سے دوسروں کی مہمان‌نوازی کر سکتے ہیں؟ اور ہم اچھے مہمان کیسے ثابت ہو سکتے ہیں؟ اِس مضمون میں اِن سوالوں پر بات کی جائے گی۔‏

اِن دو مضامین میں ہم سیکھیں گے کہ جب یہوواہ ہماری تربیت اور اِصلاح کرتا ہے تو یہ اُس کی محبت کا ثبوت ہوتا ہے۔ لیکن خدا ہماری تربیت اور اِصلاح کیسے کرتا ہے؟ جب ہماری اِصلاح کی جاتی ہے تو ہمیں کیسا ردِعمل ظاہر کرنا چاہیے؟ ہم اپنی تربیت کرنا کیسے سیکھ سکتے ہیں؟ اِن مضامین کے ذریعے اِن سوالوں کے جواب حاصل کریں۔‏