مضامین کی فہرست

اگر ہمیں لگتا ہے کہ ہم جن مشکلات کا سامنا کر رہے ہیں، اُنہیں برداشت کرنا ہمارے بس سے باہر ہے تو ہم کیا کر سکتے ہیں؟ اِس مضمون میں 2018ء کی سالانہ آیت پر بات کی جائے گی۔ ہم یہ سیکھیں گے کہ ہمیں یہوواہ کی طرف سے طاقت کی ضرورت کیوں ہے اور وہ ہمیں یہ طاقت کیسے بخشتا ہے۔‏

اِس سال مسیح کی موت کی یادگاری تقریب ہفتہ، 31 مارچ 2018ء کو منائی جائے گی۔ ہم خود کو اِس تقریب کے لیے کیسے تیار کر سکتے ہیں؟ ہمیں اِس تقریب میں جانے سے کون سے فائدے ہوں گے؟ یادگاری تقریب کے ذریعے دُنیا بھر میں خدا کے بندوں کا اِتحاد کیسے بڑھتا ہے؟ اِن سوالوں کے جواب اِس مضمون میں دیے جائیں گے۔‏

ہمارے پاس جو کچھ بھی ہے، وہ یہوواہ کی دین ہے۔ لیکن وہ ہمیں موقع دیتا ہے کہ ہم اُس کے دیے ہوئے میں سے اُسے واپس دیں یعنی اپنے مالی وسائل سے اُس کی تنظیم کے کام کی حمایت کریں۔ وہ ہمیں یہ موقع کیوں دیتا ہے؟ جب ہم اپنی قیمتی چیزوں کو یہوواہ کی بڑائی کے لیے اِستعمال کرتے ہیں تو ہمیں کیا فائدہ ہوتا ہے؟ اِن سوالوں پر اِس مضمون میں بات کی جائے گی۔‏

پہلے مضمون میں بتایا گیا ہے کہ حقیقی خوشی اُس محبت سے نہیں ملتی جس میں خودغرضی پائی جاتی ہے اور جو اِس ”‏آخری زمانے“‏ میں بہت عام ہے۔ اِس کی بجائے حقیقی خوشی خدا سے محبت کرنے سے ملتی ہے۔ (‏2-‏تیمُتھیُس 3:‏1‏)‏ دوسرے مضمون میں یہ واضح کِیا گیا ہے کہ خدا کے بندوں اور دُنیا کے زیادہ‌تر لوگوں میں کتنا فرق پایا جاتا ہے۔‏