اپنے دل کو تیار کریں

جب ہم بائبل کا مطالعہ کرتے ہیں تو ہم چاہتے ہیں کہ یہوواہ کی سوچ ہمارے دل پر اثر کرے یعنی ہمارے خیالوں اور احساسات پر۔ اِس سلسلے میں عزرا نے بہت اچھی مثال قائم کی۔ اُنہوں نے ”‏اپنے دل کو تیار کِیا ہوا تھا کہ وہ یہوواہ کی شریعت سے رہنمائی حاصل کریں گے۔“‏ (‏عز 7:‏10‏)‏ ہم بائبل کا مطالعہ کرنے کے لیے اپنے دل کو تیار کیسے کر سکتے ہیں؟‏

دُعا کریں۔‏ بائبل کا مطالعہ شروع کرنے سے پہلے دُعا کریں۔ یہوواہ سے مدد مانگیں کہ وہ اُن باتوں کو اچھی طرح سے سمجھنے اور اُن پر عمل کرنے میں آپ کی مدد کرے جو آپ پڑھ رہے ہیں۔—‏زبور 119:‏18،‏ 34‏۔‏

خاکسار بنیں۔‏ خدا اُن لوگوں پر سچائیاں ظاہر نہیں کرتا جو مغرور ہوتے اور اپنی دانش‌مندی اور علم پر بھروسا کرتے ہیں۔ (‏لُو 10:‏21‏)‏ تو بائبل میں لکھی باتوں پر اِس وجہ سے تحقیق نہ کریں کہ آپ دوسروں کو دِکھا سکیں کہ آپ کتنا کچھ جانتے ہیں۔ اگر بائبل کا مطالعہ کرتے وقت آپ کوئی ایسی بات پڑھتے ہیں جس کی وجہ سے آپ کو محسوس ہوتا ہے کہ آپ کی سوچ یہوواہ کی سوچ کے مطابق نہیں ہے تو خاکساری سے اِسے بدل لیں۔‏

ہماری تنظیم کا تیار کِیا ہوا ایک گیت سنیں۔‏ موسیقی ہمارے جذبات اور احساسات پر گہرا اثر ڈال سکتی ہے۔ اِس لیے اگر آپ بائبل کا مطالعہ شروع کرنے سے پہلے ایک گیت سنیں گے تو آپ اپنے دل کو یہوواہ کی عبادت کرنے کے لیے تیار کر پائیں گے۔‏