مسیحیوں کے طور پر زندگی
نوجوانو! اپنے امی ابو سے کُھل کر بات کریں
آپ کو اپنے امی ابو سے اپنے احساسات کے بارے میں کُھل کر بات کیوں کرنی چاہیے؟ (امثا 23:26) کیونکہ یہوواہ نے اُنہیں آپ کا خیال رکھنے اور آپ کی مدد کرنے کی ذمےداری دی ہے۔ (زبور 127:3، 4) اِس لیے اگر آپ اُنہیں اپنی پریشانیاں اور مسئلے نہیں بتائیں گے تو اُن کے لیے آپ کی مدد کرنا مشکل ہو جائے گا۔ اور آپ کو اُس تجربے سے بھی کوئی فائدہ نہیں ہوگا جو اُنہوں نے اپنی زندگی میں حاصل کِیا ہے۔ کیا اپنی کچھ باتیں اپنے تک رکھنا غلط ہے؟ لازمی نہیں کہ یہ غلط ہو۔ لیکن کبھی بھی اپنے امی ابو کو دھوکے میں نہ رکھیں۔—امثا 3:32۔
آپ اپنے امی ابو سے بات کیسے کر سکتے ہیں؟ اُن سے بات کرنے کے لیے کوئی ایسا وقت چُنیں جو آپ کے لیے اور اُن کے لیے ٹھیک ہو۔ اگر آپ کو ایسا کرنا مشکل لگے تو آپ دونوں میں سے کسی ایک کو خط لکھ سکتے ہیں اور اُس میں اُنہیں اپنے احساسات بتا سکتے ہیں۔ لیکن اگر آپ کے امی ابو آپ سے کسی ایسے موضوع پر بات کرنا چاہتے ہیں جس پر آپ بات نہیں کرنا چاہتے تو آپ کیا کر سکتے ہیں؟ یاد رکھیں کہ وہ آپ کی مدد کرنا چاہتے ہیں۔ اپنے ماں باپ کو اپنا دوست سمجھیں، دُشمن نہیں۔ آپ اپنے امی ابو سے کُھل کر باتچیت کرنے کے لیے جو بھی کوشش کریں گے، اُس کا آپ کو ساری زندگی فائدہ ہوگا، یہاں تک کہ ہمیشہ کی زندگی میں بھی۔—امثا 4:10-12۔
ویڈیو ”نوجوانی میں میری زندگی—مَیں اپنے امی ابو سے کیسے باتچیت کر سکتا ہوں؟“ کو دیکھیں اور پھر نیچے دیے گئے سوالوں کے جواب دیں:
آستر اور پارتک کو اپنے بارے میں کس بات کا احساس ہو گیا؟
آپ یسوع مسیح سے کیا سیکھ سکتے ہیں؟
آپ کے امی ابو نے کیسے ظاہر کِیا ہے کہ اُن کو آپ کی فکر ہے؟
آپ کے امی ابو چاہتے ہیں کہ آپ کامیاب ہوں۔
اپنے امی ابو سے باتچیت کرنے کے لیے بائبل کے کون سے اصول آپ کے کام آ سکتے ہیں؟