مسیحیوں کے طور پر زندگی
اپنی سوچنے سمجھنے کی صلاحیت کو تیز کرتے رہیں
ایک کھلاڑی اپنی کھیلنے کی صلاحیتوں کو تیز کرنے کے لیے باقاعدگی سے مشق کرتا ہے۔ اُسی طرح ہمیں بھی اپنی سوچنے سمجھنے کی صلاحیت کو تیز کرنے کے لیے مسلسل کوشش کرتے رہنا چاہیے۔ (عبر 5:14) ہو سکتا ہے کہ ہم بھی دوسروں جیسے فیصلے کرنے کی کوشش کریں کیوں کہ ایسا کرنا آسان ہے۔لیکن ہمیں چاہیے کہ ہم اپنی سوچنے سمجھنے کی صلاحیت کو اِستعمال کریں اور اپنے فیصلے خود کریں۔ کیوں؟ کیونکہ ہم سب کو اپنے فیصلوں کا حساب خود دینا پڑے گا۔—روم 14:12۔
ہمیں یہ نہیں سوچنا چاہیے کہ ہم کافی سالوں سے یہوواہ کے گواہ ہیں، اِس لیے ہمارے فیصلے بھی اچھے ہی ہوں گے۔ اِس کی بجائے اچھے فیصلے کرنے کے لیے ضروری ہے کہ ہم یہوواہ خدا، اُس کے کلام اور اُس کی تنظیم پر بھروسا کریں۔—یشو 1:7، 8؛ امثا 3:5، 6؛ متی 24:45۔
ویڈیو ”اپنا ضمیر صاف رکھیں“ کو دیکھیں اور پھر نیچے دیے گئے سوالوں کے جواب دیں:
ایما کو کیا فیصلہ کرنا تھا؟
ہمیں ایسے معاملوں میں اپنی رائے کیوں نہیں دینی چاہیے جن کا فیصلہ ہر شخص کو اپنے ضمیر کے مطابق کرنا ہوتا ہے؟
ایک جوڑے نے ایما کو کون سا اچھا مشورہ دیا؟
ایما نے اپنی صورتحال کے مطابق فائدہمند معلومات کہاں سے حاصل کی؟