مسیحیوں کے طور پر زندگی
یہوواہ کے وفادار رہنے کا عزم کریں
یہ کیوں ضروری ہے؟ بہت جلد ایسے حیرانکُن واقعات ہوں گے جن میں ہماری دلیری اور یہوواہ پر ہمارے ایمان کا اِتنا کڑا اِمتحان ہوگا جتنا پہلے کبھی نہیں ہوا۔ بڑی مصیبت کا آغاز جھوٹے مذہب کی تباہی سے ہوگا۔ (متی 24:21؛ مکا 17:16، 17) مصیبت کی اُس گھڑی میں ہم لوگوں کو صاف صاف بتائیں گے کہ خدا کی عدالت کا وقت آنے والا ہے۔ (مکا 16:21) ماجوج کا جوج ہم پر حملہ کرے گا۔ (حِز 38:10-12، 14-16) اِس کے نتیجے میں یہوواہ اپنے بندوں کو بچانے کے لیے ”قادرِمطلق خدا کے روزِعظیم کی لڑائی“ شروع کرے گا۔ (مکا 16:14، 16) اگر ہم چاہتے ہیں کہ ہم مستقبل میں ہونے والے اِن واقعات کے دوران دلیر بنیں اور یہوواہ کے وفادار رہیں تو ہمیں ابھی سے مشکلوں کے باوجود اپنے ایمان پر قائم رہنا چاہیے۔
آپ کیا کر سکتے ہیں؟
دلیری سے یہوواہ کے راست معیاروں پر قائم رہیں۔—یسع 5:20۔
اپنے ہمایمانوں کے ساتھ مل کر یہوواہ کی عبادت کرتے رہیں۔—عبر 10:24، 25۔
یہوواہ کی تنظیم کی طرف سے ملنے والی ہدایات کو فوراً مانیں۔—عبر 13:17۔
اِس بات پر سوچ بچار کریں کہ اُس نے ماضی میں اپنے بندوں کی حفاظت کیسے کی۔—2-پطر 2:9۔
یہوواہ سے دُعا کریں اور اُس پر بھروسا کریں۔—زبور 112:7، 8۔
ویڈیو ”وہ واقعات جن میں ہمیں دلیری ظاہر کرنی ہوگی—حصہ“ کو دیکھیں اور پھر اِن سوالوں کے جواب دیں:
جب ایک کلیسیا کو دوسری کلیسیا کے ساتھ ملایا گیا تو اُس کلیسیا کے مبشروں کی فرمانبرداری کا اِمتحان کیسے ہوا؟
یہوواہ کی تنظیم کی فرمانبرداری کرنے سے ہمارے اندر دلیری کیسے پیدا ہوگی؟
ہرمجِدّون کی جنگ کے دوران ہمیں دلیری ظاہر کرنے کی ضرورت کیوں ہوگی؟
خود کو ابھی سے اُن واقعات کے لیے تیار کریں جن میں ہمیں دلیری ظاہر کرنے کی ضرورت ہوگی۔
بائبل کے کس واقعے پر غور کرنے سے اِس بات پر ہمارا ایمان مضبوط ہو سکتا ہے کہ یہوواہ اپنے بندوں کو بچانے کی طاقت رکھتا ہے؟—2-توا 20:1-24۔