نوجوانو!‏ ”‏شوق سے اچھے کام“‏ کریں

طِطُس کے نام خط میں پولُس نے نوجوانوں کو جن میں طِطُس بھی شامل تھے، نصیحت کی کہ وہ ”‏ہر معاملے میں اچھے کام کر کے اچھی مثال قائم“‏ کرنے کی کوشش کریں۔ (‏طط 2:‏6، 7‏)‏ دوسرے باب میں آگے چل کر پولُس کہتے ہیں کہ یہوواہ کے بندوں کو پاک کِیا جا رہا ہے تاکہ وہ ”‏شوق سے اچھے کام“‏ کریں۔ (‏طط 2:‏14‏)‏ اِن میں سے ایک اچھا کام خدا کی بادشاہت کی مُنادی کرنا اور اِس کے بارے میں تعلیم دینا ہے۔ اگر آپ نوجوان ہیں تو کیا آپ مددگار پہل‌کار یا پہل‌کار کے طور پر خدمت کرنے کے لیے اپنی طاقت اور توانائی اِستعمال کر سکتے ہیں؟—‏امثا 20:‏29‏۔‏

اگر آپ پہل‌کار بننا چاہتے ہیں تو یہ سوچیں کہ اِس منصوبے کو پورا کرنے کے لیے آپ کو کیا کیا کرنے کی ضرورت ہے۔ (‏لُو 14:‏28-‏30‏)‏ مثلاً آپ کُل‌وقتی خدمت کے دوران اپنے خرچے کیسے پورے کریں گے؟ اور مُنادی کے گھنٹے کیسے پورے کریں گے؟ اِس سلسلے میں یہوواہ سے دُعا کریں۔ (‏زبور 37:‏5‏)‏ اپنے منصوبوں کے بارے میں اپنے امی ابو اور اُن پہل‌کاروں کے ساتھ بات کریں جو اچھی طرح اپنی خدمت انجام دے رہے ہیں۔ اور پھر اپنے منصوبوں کو پورا کرنے کے لیے قدم اُٹھائیں۔ آپ شوق سے یہوواہ کی خدمت کرنے کے لیے جو کوششیں کرتے ہیں، وہ اُن پر برکت ضرور ڈالے گا۔‏

ویڈیو ‏”‏یہوواہ کی بڑائی کرنے والے نوجوان‏“‏ دیکھیں اور پھر اِن سوالوں کے جواب دیں:‏

• کچھ نوجوانوں کو پہل‌کار کے طور پر خدمت کرنے کے سلسلے میں کن مشکلات کا سامنا تھا اور اُنہوں نے اِن پر قابو کیسے پایا؟‏

• والدین پہل‌کار بننے میں اپنے بچوں کی مدد کیسے کر سکتے ہیں؟‏

• مُنادی کے لیے شیڈول بنانا ضروری کیوں ہے؟‏

• کلیسیا کے بہن بھائی پہل‌کاروں کی مدد اور حوصلہ‌افزائی کیسے کر سکتے ہیں؟‏

• پہل‌کاروں کو کون سی برکتیں ملتی ہیں؟‏