مُنادی کرنا اور تعلیم دینا شاگرد بنانے کے لیے لازمی ہے

یسوع مسیح نے اپنے پیروکاروں کو حکم دیا کہ وہ جائیں اور شاگرد بنائیں۔ (‏متی 28:‏19‏)‏ اِس حکم پر عمل کرنے میں مُنادی کرنے کے ساتھ ساتھ تعلیم دینا بھی شامل ہے۔ لہٰذا ہمیں وقتاًفوقتاً خود سے پوچھنا چاہیے کہ ”‏مَیں شاگرد بنانے کے اِن اہم پہلوؤں کے حوالے سے اپنے اندر بہتری کیسے لا سکتا ہوں؟“‏

مُنادی کرنے کا مطلب

اِس بات کا اِنتظار کرنے کی بجائے کہ لوگ ہمارے پاس آئیں، ہمیں خود ایسے لوگوں کی تلاش کرنی چاہیے جو ہمارے پیغام کو قبول کریں۔ (‏متی 10:‏11‏)‏ جب ہم مُنادی کرتے ہیں تو کیا ہم اپنے آس‌پاس موجود ہر شخص کو گواہی دینے کے لیے تیار رہتے ہیں؟ (‏اعما 17:‏17‏)‏ پولُس رسول نے بھی لگن سے مُنادی کی تھی جس کے نتیجے میں لِدیہ شاگرد بنی تھیں۔—‏اعما 16:‏13-‏15‏۔‏

ویڈیو ‏”‏بغیر ہمت ہارے ‏’‏خوش‌خبری سناتے رہیں‘‏—‏غیرمنظم گواہی دیتے وقت اور گھر گھر مُنادی کرتے وقت‏“‏ دیکھیں اور پھر اِن سوالوں کے جواب دیں:‏

• سموئیل نے اپنی روزمرہ زندگی سے کیسے ظاہر کِیا کہ وہ سچائی کا بیج بونے کی ہر ممکن کوشش کر رہے ہیں؟‏

• ہمیں مُنادی کرنے کے تمام طریقوں کو کیوں اِستعمال کرنا چاہیے؟‏

• آپ اپنی روزمرہ زندگی میں کس شخص کو بادشاہت کا پیغام سنا سکتے ہیں؟‏

تعلیم دینے کا مطلب

لوگوں کو شاگرد بنانے کے لیے صرف اُن کے پاس رسالے یا کتابیں چھوڑنا کافی نہیں ہے۔ خدا کی قربت حاصل کرنے میں اُن کی مدد کرنے کے لیے ہمیں اُن سے واپسی ملاقات کرنی چاہیے اور اُنہیں بائبل کورس کرانا چاہیے۔ (‏1-‏کُر 3:‏6-‏9‏)‏ لیکن اگر دوسروں کو بادشاہت کی خوش‌خبری سنانے کی ہماری کوششیں اِتنی کامیاب نہیں ہوتیں تو ہمیں کیا کرنا چاہیے؟ (‏متی 13:‏19-‏22‏)‏ ہمیں پھر بھی ایسے لوگوں کی تلاش کرتے رہنا چاہیے جن کا دل ”‏اچھی زمین“‏ کی طرح ہے۔—‏متی 13:‏23؛‏ اعما 13:‏48‏۔‏

ویڈیو ‏”‏بغیر ہمت ہارے ‏’‏خوش‌خبری سناتے رہیں‘‏—‏عوامی جگہوں پر گواہی دیتے وقت اور شاگرد بناتے وقت‏“‏ دیکھیں اور پھر اِن سوالوں کے جواب دیں:‏

• سولومن اور میری نے سچائی کے اُس بیج کو پانی کیسے دیا جو اِزیقی‌ایل اور ایبی‌گیل کے دل میں بویا گیا تھا؟‏

• ہم دوسروں کو جس بھی طریقے سے گواہی دیں، ہمارا مقصد کیا ہونا چاہیے؟‏

• ہم پاک کلام کی تعلیم دینے کے کام کو زیادہ اہمیت کیسے دے سکتے ہیں؟‏