گواہی دینے کے کام میں اپنی مہارتوں کو نکھاریں—‏کتاب ”‏پاک صحائف کی تعلیم“‏ پیش کریں

یہ مہارت پیدا کرنا ضروری کیوں ہے؟‏ لوگوں کو تعلیم دینے کے لیے کتاب پاک صحائف کی تعلیم ہمارا ایک اہم آلہ ہے۔ لیکن اِس کے ذریعے کسی شخص کو بائبل کورس کرانے سے پہلے ہمیں اُسے یہ کتاب پیش کرنی چاہیے۔ لہٰذا ہم سب کو مُنادی کے دوران یہ کتاب پیش کرنے میں مہارت حاصل کرنے کی ضرورت ہے۔ اِسے مختلف طریقوں سے پیش کِیا جا سکتا ہے۔ ہمیں وہ طریقہ اِستعمال کرنا چاہیے جس سے ہمیں اچھے نتائج حاصل ہوں۔‏

آپ کیا کر سکتے ہیں؟‏

صاحبِ‌خانہ سے ایسا سوال پوچھیں جس کے ذریعے آپ اُس کی توجہ کتاب کے کسی باب پر دِلا سکیں۔ ہر باب کے شروع میں کچھ سوال دیے گئے ہیں۔ اگر آپ چاہیں تو اِن میں سے کسی سوال کا اِنتخاب کر سکتے ہیں۔ صاحبِ‌خانہ کے جواب کے بعد ایک ایسی آیت پڑھیں جس کا تعلق آپ کے سوال سے ہے۔ پھر اُس کی توجہ ایسے پیراگراف پر دِلائیں جس میں اُس سوال کا جواب دیا گیا ہے اور مختصراً اُس پیراگراف پر بات کریں۔‏
کتاب کو پیش کرنے کا ایک اَور مؤثر طریقہ یہ ہے کہ ہم اِس کے صفحہ 3-‏6 پر دیے گئے سوالوں کو اِستعمال کریں۔ اِن سوالوں کے ذریعے ہم صاحبِ‌خانہ کی توجہ حاصل کر سکتے ہیں اور پھر اُسے دِکھا سکتے ہیں کہ اِن سوالوں کے جواب کتاب میں کہاں دیے گئے ہیں۔ مثال کے طور پر آپ حال ہی میں ہونے والے کسی افسوس‌ناک حادثے کا ذکر کر سکتے ہیں جو خبروں میں دِکھایا گیا تھا۔ پھر صاحبِ‌خانہ کو صفحہ 3 پر دیے گئے سوال دِکھائیں اور اُسے بتائیں کہ بہت سے لوگ اِن سوالوں کے جواب حاصل کرنا چاہتے ہیں۔ یا شاید آپ کہہ سکتے ہیں کہ آپ اپنے پڑوسیوں کو مستقبل کے بارے میں خوش‌خبری سنا رہے ہیں۔ پھر اُسے صفحہ 4 اور 5 دِکھائیں اور پوچھیں:‏ ”‏آپ اِن میں سے کون سے وعدوں کو پورا ہوتا ہوا دیکھنا چاہتے ہیں؟“‏ یا پھر آپ کچھ یوں کہہ سکتے ہیں کہ ”‏ہم لوگوں سے زندگی کے اہم سوالوں کے بارے میں بات کر رہے ہیں۔“‏ اِس کے بعد صاحبِ‌خانہ کو صفحہ 6 کے آخر میں دیے گئے سوال دِکھائیں اور پوچھیں کہ اُسے کون سا سوال سب سے زیادہ دلچسپ لگتا ہے۔‏
پہلی ہی ملاقات میں بائبل کورس کی پیشکش کریں۔ آپ کچھ یوں کہہ سکتے ہیں:‏ ”‏ہم آپ کو یہ کتاب دِکھانا چاہتے ہیں جس کے ذریعے ہم بائبل کورس کراتے ہیں۔ کیا آپ نے پہلے کبھی یہ کتاب دیکھی ہے؟ [‏جواب دینے دیں۔]‏ اگر آپ کے پاس چند منٹ ہیں تو مَیں آپ کو دِکھا سکتا ہوں کہ ہم اِس کتاب کے ذریعے بائبل کورس کیسے کراتے ہیں۔“‏

اِس مہینے یہ کریں:‏

خاندانی عبادت کے دوران کتاب پاک صحائف کی تعلیم پیش کرنے کی مشق کریں۔‏
مُنادی کے دوران دوسرے مبشروں کو بتائیں کہ آپ کتاب پیش کرنے کے لیے کون سا طریقہ اِستعمال کریں گے۔ (‏امثا 27:‏17‏)‏ جو طریقہ آپ اِستعمال کر رہے ہیں، اگر وہ مؤثر ثابت نہیں ہو رہا تو کوئی دوسرا طریقہ اِستعمال کریں۔‏