مُنادی شروع کرنے میں دیر نہ لگائیں

جب ہم مُنادی کے اِجلاس کے لیے جمع ہوتے ہیں تو ظاہری بات ہے کہ ہم اپنے بہن بھائیوں سے بات کرنا چاہتے ہیں۔ لیکن جب اِجلاس ختم ہوتا ہے تو ہمیں کوشش کرنی چاہیے کہ ہم بہن بھائیوں کے ساتھ باتوں میں نہ لگے رہیں بلکہ جلدازجلد علاقے میں پہنچیں۔ مُنادی کا کام بہت اہم ہے اور خاتمے کے آنے میں بہت کم وقت رہ گیا ہے۔ (‏1-‏کر 7:‏29‏)‏ لہٰذا اگر ہم علاقے میں جانے میں دیر لگائیں گے تو ہمارے پاس مُنادی کرنے کے لیے زیادہ وقت نہیں بچے گا۔ ہم اُس وقت بھی اپنے بہن بھائیوں سے بات کر سکتے ہیں جب ہم اُن کے ساتھ مُنادی کرتے ہیں۔ جب ہم مُنادی شروع کرنے میں دیر نہیں لگائیں گے تو یہ ظاہر ہوگا کہ ہم دل لگا کر یہوواہ خدا اور اُس کے بیٹے کی خدمت کرتے ہیں۔—‏روم 12:‏11‏۔‏