دُنیا کے مبارک لوگ
۱ ”مبارک ہے وہ قوم جسکا خدا [یہوواہ] ہے۔“ (زبور ۱۴۴:۱۵) یہ الفاظ یہوواہ کے گواہوں کو دُنیا کے مبارک لوگوں کے طور پر بیان کرتے ہیں۔ زندہ اور خدائے واحدوبرحق، یہوواہ کی خدمت سے زیادہ کسی اَور چیز سے خوشی حاصل نہیں ہو سکتی۔ وہ خود ”خدایِمبارک“ ہے اسلئے اُسکے پرستار اُسکی خوشی کی عکاسی کرتے ہیں۔ (۱-تیم ۱:۱۱) ہماری پرستش کے کونسے پہلو ہماری خوشی میں معاون ثابت ہوتے ہیں؟
۲ خوش ہونے کی وجوہات: یسوع نے ہمیں یقیندہانی کرائی کہ خوشی ”دل کے غریب“ ہونے سے حاصل ہوتی ہے۔ (متی ۵:۳) باقاعدہ بائبل مطالعہ اور تمام مسیحی اجلاسوں پر حاضری ہماری روحانی ضرورت کو پورا کرتی ہے۔ خدا کے کلام کی سچائی سیکھنا ہمارے لئے جھوٹی مذہبی تعلیمات اور غلطیوں سے بچنے کا باعث بنا ہے۔ (یوح ۸:۳۲) صحائف نے ہمیں زندگی بسر کرنے کا بہترین طریقہ بھی سکھایا ہے۔ (یسع ۴۸:۱۷) اسی وجہ سے ہم اپنی مبارک برادری کی خوشگوار مسیحی رفاقت سے محظوظ ہوتے ہیں۔—۱-تھس ۲:۱۹، ۲۰؛ ۱-پطر ۲:۱۷۔
۳ ہم خدا کے اعلیٰ اخلاقی معیاروں کی فرمانبرداری کرنے سے مطمئن ہیں کیونکہ ہم جانتے ہیں کہ یہ ہمارے تحفظ اور یہوواہ کیلئے خوشی کا باعث ہے۔ (امثا ۲۷:۱۱) ایک اخباری رپورٹر نے بیان کِیا: ”تمام قوانین کی پابندی کرنے کے باوجود یہوواہ کے گواہ ناخوش دکھائی نہیں دیتے۔ اسکے برعکس، ان کے جوان اور عمررسیدہ لوگ غیرمعمولی خوشی اور آسودگی کا مظاہرہ کرتے ہیں۔“ ہم دوسروں کو اپنی خوشی میں شریک کرنے کیلئے کیسے مدد کر سکتے ہیں؟
۴ خوشی حاصل کرنے میں دوسروں کی مدد کریں: دُنیا غم سے بھری ہے جسکی وجہ سے لوگوں کو اپنا مستقبل تاریک دکھائی دیتا ہے۔ تاہم، ایک ایسے دن کی بابت علم رکھنے سے ہم مثبت اور روشن نقطۂنظر اپنا سکتے ہیں جب تمام دُکھ اور غم ختم ہو جائیگا۔ (مکا ۲۱:۳، ۴) لہٰذا، ہم خدمتگزاری میں سرگرمی سے حصہ لیتے ہیں اور ایسے خلوصدل لوگوں کو تلاش کرتے ہیں جن سے ہم اپنی اُمید اور یہوواہ کی بابت اپنے اعتقادات پر گفتگو کر سکتے ہیں۔—حز ۹:۴۔
۵ ایک پائنیر بہن نے بیان کِیا: ”یہوواہ اور اُسکی سچائی کا علم حاصل کرنے میں لوگوں کی مدد کرنے سے زیادہ اطمینانبخش کام اَور کوئی نہیں ہو سکتا۔“ ہمیں بائبل مطالعے کی پیشکش قبول کرنے کیلئے زیادہ سے زیادہ لوگوں کی حوصلہافزائی کرنی چاہئے۔ یہوواہ کی خدمت کرنا اور دوسروں کو اُسکی خدمت کرنے کی تحریک دینا عظیم خوشی پر منتج ہوتا ہے۔—اعما ۲۰:۳۵۔