‏”‏ضرورت کے وقت مدد“‏

^۱ جب ہمیں عین ضرورت کے وقت مدد مل جائے تو یہ کس قدر تازگی‌بخش ہوتا ہے!‏ (‏عبرانیوں ۴:‏۱۶‏)‏ ”‏خدائی اَمن کے پیامبر“‏ ڈسٹرکٹ کنونشن پر جب ہمیں عین ضرورت کے وقت مدد کے لئے دو خاص بخششیں عطا کی گئیں تو ہم بہت خوش ہوئے تھے۔‏

^۲ نئی کتاب، خاندانی خوشی کا راز مناسب وقت پر موصول ہوئی۔ یہ چار جُزوِلازم پر توجہ مرکوز کراتی ہے جو پُرمسرت خاندانی زندگی کو فروغ دیتے ہیں:‏ (‏۱)‏ ضبطِ‌نفس، (‏۲)‏ سرداری کو تسلیم کرنا، (‏۳)‏ اچھا رابطہ اور (‏۴)‏ محبت۔ کتاب خاندانی خوشی میں پیش‌کردہ پندونصیحت اُن تمام خاندانوں کی مدد کریگی جو خدائی اَمن کے حصول کیلئے اس کا اطلاق کرتے ہیں۔ نئی کتاب کو بغور پڑھنے اور خاندان کے طور پر ملکر اس کا مطالعہ کرنے کے لئے وقت نکالیں۔ اس کے مختلف پہلوؤں سے بخوبی واقف ہوں تاکہ جب مارچ میں پہلی مرتبہ اسے لوگوں کے سامنے پیش کِیا جاتا ہے تو آپ اسے مؤثر طور پر استعمال کرنے کے لئے تیار ہوں۔‏

^۳ شاگرد بنانے کے کام کو تیزتر کرنے میں مدد دینے کیلئے، نیا بروشر، خدا ہم سے کیا تقاضا کرتا ہے؟ موزوں وقت پر پہنچا ہے۔ جبکہ اسے بالخصوص اُن لوگوں کو مدد دینے کے لئے استعمال کِیا جا سکتا ہے جو پڑھنے کی محدود صلاحیت رکھتے ہیں، بہتیرے پڑھے‌لکھے بالغ اور چھوٹے بچے بھی بنیادی بائبل تعلیمات کی بابت اسکی سادہ وضاحت سے استفادہ کرینگے۔ ہو سکتا ہے کہ یہ وہی چیز ہو جو علم کی کتاب میں سے مطالعہ شروع کرنے کیلئے گزرپتھر کے طور پر درکار ہے۔ یقینی طور پر یہ فراہمی اَور زیادہ لوگوں کو یہ سمجھنے میں مدد دیگی کہ کیسے وہ خدا کے تقاضوں کو پورا کرنے سے بہت زیادہ برکات حاصل کر سکتے ہیں۔‏

^۴ داؤد نے مکمل طور پر ہمارے جذبات کا اظہار کِیا جب اُس نے بیان کِیا کہ ’‏اُسے کمی نہیں تھی، اُس کی جان تازہ دم تھی اور اُس کا پیالہ خوب لبریز تھا!‏“‏ (‏زبور ۲۳:‏۱،‏ ۳،‏ ۵‏)‏ ہم خوشی کے ساتھ اس شاندار روحانی مدد کو اَور بہت سے لوگوں تک پہنچانے کے منتظر ہیں جو خلوصدلی سے سچے خدا، یہوواہ کو جاننا اور اُسکی خدمت کرنا چاہتے ہیں۔‏