مطالعے کے مضامین

ہزاروں سال سے یہوواہ خدا اپنے بندوں سے مختلف زبانوں میں کلام کرتا آیا ہے۔ اِن مضامین میں بتایا گیا ہے کہ فرق فرق زبانوں کی وجہ سے یہوواہ خدا کو اِنسانوں سے رابطہ کرنے میں کوئی رُکاوٹ پیش نہیں آتی۔ ہم یہ بھی دیکھیں گے کہ نیو ورلڈ ٹرانسلیشن کے پُرانے ایڈیشنوں اور 2013ء کے نظرثانی‌شُدہ ایڈیشن نے خدا کے نام کی بڑائی کرنے اور لوگوں کو اُس کی مرضی سے واقف کرانے کے سلسلے میں ایک اہم کردار ادا کِیا ہے۔‏

بولنے کی صلاحیت خدا کی طرف سے ایک بخشش ہے۔ اِس مضمون میں ہم اپنی زبان کو مناسب طریقے سے اِستعمال کرنے کے سلسلے میں تین سوالوں پر غور کریں گے۔ مضمون میں یہ حوصلہ‌افزائی بھی کی گئی ہے کہ ہم یسوع مسیح کی طرح اپنی زبان سے یہوواہ خدا کی بڑائی کریں اور دوسروں کو فائدہ پہنچائیں۔‏

ہم سب بیمار ہوتے ہیں۔ لیکن کیا ہمیں یہ توقع کرنی چاہیے کہ یہوواہ خدا ہمیں معجزانہ طور پر شفا دے جیسے اُس نے قدیم زمانے میں کچھ لوگوں کو دی تھی؟ جب لوگ ہمیں علاج کے سلسلے میں کوئی مشورہ دیتے ہیں تو ہمیں کن باتوں کو ذہن میں رکھنا چاہیے؟ اِس مضمون میں ہم اِن سوالوں کا جواب حاصل کریں گے اور سیکھیں گے کہ ہم سمجھ‌داری سے فیصلے کیسے کر سکتے ہیں۔‏