مطالعے کا شمارہ

اِس مضمون سے ہم سیکھتے ہیں کہ یہوواہ خدا ازلی بادشاہ ہے اور وہ آسمان اور زمین پر اپنے اِختیار کو کیسے اِستعمال کرتا ہے۔ ہم ایسے اشخاص کی مثال پر بھی غور کریں گے جنہوں نے ازلی بادشاہ یہوواہ خدا کی عبادت کرنے کا فیصلہ کِیا۔ ہم دیکھیں گے کہ ہم اِن کی مثال پر کیسے عمل کر سکتے ہیں۔‏

اِس مضمون کا مطالعہ کرنے سے اُن کاموں کے لئے ہماری قدر اَور بڑھے گی جو یسوع مسیح نے اپنی حکمرانی کے ۱۰۰ سالوں میں کئے ہیں۔ ہم میں یہ خواہش پیدا ہوگی کہ ہم اُن کی بادشاہت کی وفادار رعایا ثابت ہوں۔ اِس کے علاوہ ہمیں ۲۰۱۴ء کی سالانہ آیت کے معنوں پر غور کرنے کی ترغیب بھی ملے گی۔‏

‏”‏مَیں اپنی زندگی کیسے گزاروں گا؟“‏ یہ ایک اہم سوال ہے جس پر یہوواہ خدا کے تمام بندوں کو غور کرنا چاہئے۔ پہلے مضمون میں ہم ایسے اصولوں پر بات کریں گے جو پورے دل سے خدا کی خدمت کرنے میں نوجوانوں کی رہنمائی کر سکتے ہیں۔ دوسرے مضمون میں ہم دیکھیں گے کہ بعض مسیحی عمر بڑھنے کے باوجود مختلف طریقوں سے خدا کی خدمت کیسے کر سکتے ہیں۔‏

آج‌کل زیادہ‌تر لوگ اِس بات کو نہیں مانتے کہ دُنیا کا خاتمہ نزدیک ہے۔ اِس کی وجہ یہ ہے کہ وہ اپنی روزمرہ زندگی میں بہت مگن ہیں اور وہ دُنیا میں ہونے والے حالات کی اہمیت کو نہیں سمجھتے۔ اِس مضمون میں ہم تین ایسی وجوہات پر غور کریں جن کی بِنا پر ہم یقین رکھ سکتے ہیں کہ خدا کی بادشاہت بہت جلد اِس بُری دُنیا کو ختم کر دے گی۔‏