”واہ! یہ تصویریں کتنی زبردست ہیں“
جب آپ کوئی نیا رسالہ کھولتے ہیں تو تصویروں کو دیکھ کر اکثر آپ کے مُنہ سے یہ بات نکلتی ہوگی، ”واہ! یہ تصویریں کتنی زبردست ہیں۔“ اِن خوبصورت تصویروں کو بڑی محنت سے تیار کِیا جاتا ہے اور ایک خاص مقصد سے ہماری کتابوں اور رسالوں میں چھاپا جاتا ہے۔ یہ تصویریں ہمیں مضمون کے اہم نکات کے بارے میں سوچنے کی ترغیب دیتی ہیں اور ہمارے دل کو چھوتی ہیں۔ جب ہم کسی مطالعے کے مضمون کی تیاری کے دوران اِن تصویروں پر غور کرتے ہیں تو ہمیں مضمون کو اچھی طرح سمجھنے میں مدد ملتی ہے۔ اِس کے علاوہ جب ہم اجلاسوں میں جواب دیتے وقت اِن تصویروں پر توجہ دِلاتے ہیں تو بہنبھائیوں کو بھی فائدہ ہوتا ہے۔
مطالعے کے کسی مضمون کو پڑھتے وقت سوچیں کہ پہلی تصویر کو اِس مضمون کے لئے کیوں چنا گیا ہے؟ اِس میں کیا دِکھایا گیا ہے؟ اِس کا عنوان اور مرکزی آیت سے کیا تعلق ہے؟ باقی تصویروں کے بارے میں سوچیں کہ اُن کا موضوع کے ساتھ اور آپ کی زندگی کے ساتھ کیا تعلق ہے؟
اچھی بات ہوگی کہ مینارِنگہبانی کا مطالعہ کرانے والا بھائی کلیسیا کے بہنبھائیوں کو ہر تصویر کے متعلق اپنے خیالات کا اِظہار کرنے کا موقع دے۔ وہ یہ بتا سکتے ہیں کہ اِس تصویر کا موضوع کے ساتھ کیا تعلق ہے اور وہ اِس سے کیا سیکھتے ہیں۔ بعض اوقات تصویر کے ساتھ یہ لکھا ہوتا ہے کہ اِس کا تعلق کس پیراگراف سے ہے۔ باقی تصویروں کے بارے میں مطالعہ کرانے والے بھائی کو خود یہ دیکھنا چاہئے کہ کونسی تصویر کونسے پیراگراف کے ساتھ منسلک ہے۔ جب وہ ایسا کرتا ہے تو سب بہنبھائی پاک کلام کی اُن سچائیوں کو بہتر طور پر سمجھ سکیں گے جو اِن تصویروں کے ذریعے اُجاگر کی جاتی ہیں۔
ایک بھائی نے کہا: ”جیسے ایک کیک، کریم کی سجاوٹ سے اَور زیادہ خوبصورت لگتا ہے ویسے ہی تصویروں سے ایک مضمون زیادہ دلچسپ اور دلکش لگتا ہے۔“