اِس شمارے میں — یہوواہ کے گواہوں کی آن لائن لائبریری

آج ہم مشکلوں سے بھرے دَور میں رہ رہے ہیں۔ اِس مضمون میں ماضی اور حال سے ایسے لوگوں کی مثالیں دی گئی ہیں جنہوں نے بہت کٹھن حالات کا سامنا کِیا۔ ہم اِن مثالوں سے بہت کچھ سیکھ سکتے ہیں۔ اِس مضمون سے ہم یہ بھی سیکھیں گے کہ ہم ہر مشکل کا مقابلہ ہمت اور حوصلے سے کیسے کر سکتے ہیں۔‏

مطالعے کا مضمون ۲

دُنیا کی روح کی پیروی کرنے سے ہمیشہ نقصان ہی ہوتا ہے۔ اِس مضمون میں ہم سیکھیں گے کہ ہم ایسا رویہ اور سوچ اپنانے سے کیسے بچ سکتے ہیں جس سے کلیسیا کا اتحاد خطرے میں پڑ سکتا ہے۔ اِس کے علاوہ ہم ایسی روح کیسے ظاہر کر سکتے ہیں جس سے دوسروں کے ساتھ ہمارے تعلقات اچھے رہیں۔‏

مطالعے کے مضامین ۳، ۴

پہلے مضمون میں ایسے شاندار وعدوں کا ذکر کِیا گیا ہے جنہیں پورا کرنے کی قسم خدا نے کھائی ہے۔ خدا کے وعدوں سے فائدہ حاصل کرنے کے لئے ضروری ہے کہ ہم اُس کے فرمانبردار رہیں اور اپنے وعدوں کو پورا کریں۔ دوسرے مضمون میں ایسے لوگوں کی مثالیں دی گئی ہیں جن کی ہاں ہمیشہ ہاں ہی رہی۔ اِس میں مسیحیوں کی حوصلہ‌افزائی کی گئی ہے کہ وہ اپنے سب سے اہم وعدے پر قائم رہیں۔—‏متی ۵:‏۳۷‏۔‏