گیت نمبر 111
ہماری خوشی کی وجوہات
(متی 5:12)
1. یہوواہ کے خادموں کے پاس ہیں
خوش ہونے کی لاکھ وجوہات
ہر قوم سے اَنگنت لوگ آ کر
مُفت لیتے ہیں آبِ حیات
حقیقی خوشی کی بنیاد ہے
خدا کا مُقدس کلام
گر اِس پہ ہم عمل کریں گے
نیک ہوگا ہمارا انجام
اِس خوشی کی لو نہیں بجھتی
مصیبت اور مشکل میں بھی
یہوواہ ہماری پناہ ہے
نہ کھوئیں گے خوشی کبھی
یہوواہ میں ہم ہیں شادمان
ہے اُس کا ہر کام عالیشان
ہے خوشی کا باعث ہر نعمت اُس کی
لاکھ شکر کریں ہم سبھی
2. خدا کی دستکاری کو دیکھ کر
ہم خوشی سے جھوم اُٹھتے ہیں
ہر چیز اُس نے سوہنی بنائی
تعریف کے ہم گُن گاتے ہیں
ہم خوشی سے کرتے ہیں چرچا
یہوواہ کی بادشاہت کا
ہم دیتے ہیں خوشکُن پیغام یہ
کہ جلد نیا دَور آئے گا
ہماری اُمید بھی شاندار ہے
جو کرتی ہے دل کو سرشار
فردوس میں ہماری یہ خوشی
سدا رہے گی برقرار
یہوواہ میں ہم ہیں شادمان
ہے اُس کا ہر کام عالیشان
ہے خوشی کا باعث ہر نعمت اُس کی
لاکھ شکر کریں ہم سبھی
(اِست 16:15؛ یسع 12:6؛ یوح 15:11 کو بھی دیکھیں۔)