گیت نمبر 36
اپنے دل کی حفاظت کریں
(امثال 4:23)
1. حفاظت کریں ہم دل کی
گُناہ سے دُور رہیں
یہوواہ دل کو جانچتا ہے
سو دل کو پاک رکھیں
اِنسان کا دل ہے دھوکے باز
نہ سنیں ہم اِس کی
خدا کی راہ پر چلیں ہم
پھر برکت ملے گی
2. خدا سے کریں روز دُعا
بتائیں دل کا حال
تعظیم بھی اُس کی کریں ہم
اور اُس کو دیں جلال
گر کہنا یاہ کا مانتے ہیں
وہ کرتا پیار ہم سے
سو اُس کی خدمت کریں ہم
قریب رہیں اُس کے
3. نہ بُری سوچ کو آنے دیں
ہم اپنے دلوں میں
جو باتیں پاک اور سچی ہیں
دھیان ہم اِن پہ دیں
خدا دیتا ہے جو تعلیم
ہم دل پہ نقش کریں
فرمانبردار رہیں اُس کے
یوں اُس کو خوش کریں
(زبور 34:1؛ فل 4:8؛ 1-پطر 3:4 کو بھی دیکھیں۔)