دسویں حصے کا تعارف
یہوواہ پوری زمین کا بادشاہ ہے۔ سب کچھ ہمیشہ سے اُس کے ہاتھ میں رہا ہے اور آگے بھی رہے گا۔ مثال کے طور پر اُس نے یرمیاہ کو ایک گڑھے سے نکالا ورنہ وہ فوت ہو جاتے۔ اُس نے سدرک، میسک اور عبدنجو کو آگ کی بھٹی اور دانیایل کو شیروں کے مُنہ سے بچایا۔ اُس نے آستر کی حفاظت کی تاکہ وہ اپنی پوری قوم کا نامونشان مٹنے سے بچا سکیں۔ یہوواہ ہمیشہ تک بُرائی کو رہنے نہیں دے گا۔ بڑی مورت اور بڑے درخت والی پیشگوئیوں سے پتہ چلتا ہے کہ یہوواہ کی بادشاہت جلد ہی ہر طرح کی بُرائی کو ختم کر دے گی اور پوری زمین پر حکمرانی کرے گی۔