باغِ‌عدن میں زندگی کیسی تھی؟‏

یہوواہ خدا نے آدم اور حوا کو بہت سی اچھی‌اچھی چیزیں دیں۔‏ پیدایش 1:‏28

یہوواہ خدا نے آدم کے لئے ایک بیوی بنائی جس کا نام حوا تھا۔—‏پیدایش 2:‏21، 22‏۔‏

آدم اور حوا میں کوئی عیب یا خرابی نہیں تھی۔‏

وہ باغِ‌عدن میں رہتے تھے۔ یہ ایک فردوس یعنی ایک خوب‌صورت باغ تھا۔ یہ باغ زمین پر تھا اور اِس میں طرح‌طرح کے جانور اور بہت سے پھل‌دار درخت تھے۔ اِس باغ میں ایک دریا بھی تھا۔‏

یہوواہ خدا آدم اور حوا سے بات کرتا تھا اور اُن کو تعلیم دیتا تھا۔ آدم اور حوا اِس باغ میں ہمیشہ تک زندہ رہ سکتے تھے۔ لیکن اِس کے لئے اُن کو خدا کی بات ماننی تھی۔‏

خدا نے آدم اور حوا کو ایک درخت کا پھل کھانے سے منع کِیا۔‏ پیدایش 2:‏16، 17

یہوواہ خدا نے آدم اور حوا کو ایک درخت دکھایا اور اُن سے کہا:‏ ”‏تُم اِس درخت کا پھل مت کھانا، ورنہ تُم مر جاؤ گے۔“‏

ایک فرشتہ خدا کے خلاف ہو گیا۔ اِس بُرے فرشتے کو شیطان کہا جاتا ہے۔‏

شیطان نہیں چاہتا تھا کہ آدم اور حوا یہوواہ خدا کی بات مانیں۔ اِس لئے اُس نے ایک سانپ کے ذریعے حوا سے کہا:‏ ”‏اگر تُم اِس درخت کا پھل کھاؤ گی تو تُم ہرگز نہیں مرو گی بلکہ تُم خدا جتنی سمجھ‌دار بن جاؤ گی۔“‏ لیکن یہ جھوٹ تھا۔—‏پیدایش 3:‏1-‏5‏۔‏