پاک صحیفوں کا پیغام
یہوواہ خدا نے آدم اور حوا کو فردوس میں ہمیشہ تک زندہ رہنے کے لئے خلق کِیا۔ شیطان نے اِس بات پر شک ڈالا کہ خدا حکمرانی کرنے کا حق رکھتا ہے۔ آدم اور حوا نے اِس بغاوت میں شیطان کا ساتھ دیا۔ اِس طرح وہ گنہگار بن گئے اور اپنی اولاد سمیت موت کے شکنجے میں پھنس گئے۔
یہوواہ خدا نے اِن باغیوں کو سزائےموت سنائی اور وعدہ کِیا کہ وہ ایک ایسے شخص (یعنی ”نسل“) کو بھیجے گا جو انسانوں کو نجات دلائے گا۔ یہ شخص شیطان کو ختم کر دے گا اور بغاوت اور گُناہ کے بُرے اثرات کو مٹا دے گا۔
یہوواہ خدا نے ابرہام اور داؤد سے وعدہ کِیا کہ نسل یعنی مسیح اُن کی اولاد میں سے پیدا ہوگا اور مسیح ہمیشہ تک حکمرانی کرے گا۔
یہوواہ خدا نے اپنے نبیوں کے ذریعے پیشینگوئی کی کہ مسیح لوگوں کو گُناہ اور موت سے نجات دلائے گا۔ مسیح اور اُس کے ساتھی خدا کی بادشاہت کے بادشاہ ہوں گے۔ یہ بادشاہت جنگ، بیماری اور موت کا نامونشان مٹا دے گی۔
یہوواہ خدا نے یسوع کو زمین پر بھیجا اور یہ ظاہر کِیا کہ یسوع ہی مسیح ہے۔ یسوع مسیح نے خدا کی بادشاہت کے بارے میں تعلیم دی اور انسانوں کے لئے اپنی جان قربان کر دی۔ پھر یہوواہ خدا نے اُسے روحانی ہستی کے طور پر زندہ کر دیا۔
یہوواہ خدا نے یسوع مسیح کو آسمان پر تختنشین کِیا۔ اُسی وقت اِس دُنیا کا آخری زمانہ شروع ہو گیا۔ یسوع مسیح کی راہنمائی میں اُس کے پیروکار خدا کی بادشاہت کی مُنادی کر رہے ہیں۔
یہوواہ خدا کے کہنے پر یسوع مسیح کی بادشاہت تمام حکومتوں کو تباہ کر دے گی، زمین پر فردوس لائے گی اور انسانوں سے گُناہ کا داغ مٹا دے گی۔ یہوواہ خدا کا نام پاک ٹھہرایا جائے گا اور یہ بات ہمیشہ کے لئے سچ ثابت ہو جائے گی کہ صرف یہوواہ خدا حکمرانی کرنے کا حق رکھتا ہے۔