ایوب

 3 کیا خدا اِنصاف کا خون کر دے گا؟‏

کیا لامحدود قدرت کا مالک نیکی کو درہم‌برہم کر دے گا؟‏

 4 تمہارے بیٹوں نے ضرور اُس کے خلاف گُناہ کِیا ہوگا

اِسی لیے اُس نے اُنہیں اُن کی سرکشی کی سزا دی۔‏

 5 لیکن اگر تُم خدا کی طرف رُجوع کرو؛‏

اگر تُم لامحدود قدرت کے مالک سے رحم کی بھیک مانگو

 6 اور اگر تُم واقعی پاک ہو اور سیدھی راہ پر چلنے والے اِنسان ہو

تو وہ تُم پر توجہ فرمائے گا*‏

اور تمہیں تمہارا مقام واپس دِلائے گا۔‏

 7 حالانکہ تمہارا آغاز معمولی سا تھا

مگر تمہارا انجام عظیم ہوگا۔‏

 8 ذرا پچھلی پُشت کے لوگوں سے پوچھو

اور اُن باتوں پر دھیان دو جو اُن کے باپ‌دادا نے معلوم کیں

 9 کیونکہ ہم تو کل کی پیدائش ہیں اور کچھ نہیں جانتے؛‏

زمین پر ہماری زندگی سائے کی طرح ہے۔‏

10 وہ لوگ تمہیں سمجھائیں گے

اور وہ باتیں بتائیں گے جو وہ جانتے ہیں۔‏*‏

12 وہ دوسرے پودوں سے پہلے ہی سُوکھ جائیں گے

حالانکہ ابھی اُن کی کونپلیں نکلی ہی ہوں گی اور اُنہیں اُکھاڑا نہیں گیا ہوگا۔‏

13 خدا کو بھول جانے والے ہر شخص کا یہی انجام ہوتا ہے

کیونکہ بُرے*‏ شخص کی اُمید کبھی پوری نہیں ہوتی۔‏

14 وہ فضول چیزوں پر بھروسا کرتا ہے

اور ایسی چیزوں پر آس لگاتا ہے جو مکڑی کے گھر*‏ کی طرح کمزور ہوتی ہیں۔‏

15 وہ اپنے اِس گھر کا سہارا لیتا ہے لیکن یہ ٹوٹ جاتا ہے؛‏

وہ اِسے تھامے رکھنے کی کوشش کرتا ہے لیکن یہ قائم نہیں رہتا۔‏

16 وہ اُس ہرے بھرے پودے کی طرح ہے جو دھوپ میں پھلتا پھولتا ہے

اور جس کی شاخیں باغ میں پھیل جاتی ہیں۔‏

17 اُس کی جڑیں پتھروں کے ڈھیر میں لپٹ جاتی ہیں

اور وہ پتھروں کے بیچ اپنا گھر تلاش کرتا ہے۔‏*‏

18 لیکن جب اُسے اُس کی جگہ سے اُکھاڑا جاتا ہے

تو وہ جگہ اُسے پہچاننے سے اِنکار کر دیتی ہے اور کہتی ہے:‏

19 اِس طرح وہ ختم ہو جاتا ہے

پھر اُس کی جگہ مٹی سے دوسرے پودے نکل آتے ہیں۔‏

20 بے‌شک خدا اپنے وفادار*‏ بندوں کو ترک نہیں کرتا

اور نہ ہی وہ بُرے لوگوں کا ساتھ دیتا ہے۔‏*‏

21 وہ تمہارے چہرے پر مسکراہٹیں بکھیر دے گا

اور تمہارے لبوں پر خوشی کے نعرے ہوں گے۔‏

22 تُم سے نفرت کرنے والوں کو شرمندگی کا لباس پہنایا جائے گا

اور بُرے لوگوں کا خیمہ قائم نہیں رہے گا۔“‏