Olondaka Vioku Fetika Onepa 13

Yesu weya palo posi oco a file omanu ka va lipuile. Ndaño okuti eye wa fa, pole, wa yula oluali. Yehova wa kala ukuacili Komõlaye kuenda wo wĩha vali omuenyo. Yesu lumbombe, wa kuatisa omanu toke kolofa kuenda wa enda oku va ecela eci va lueya. Yesu noke lioku pinduiwa wa molẽhela kolondonge viaye. Eye wa va longisa ndomo va linga upange wa velapo una a ecele kokuavo. Nda ove wunjali, kuatisa omõlove oku limbuka okuti koloneke vilo, tu pangavo onepa kupange waco.