Olondaka Vioku Fetika Onepa 11

Onepa eyi yi lombolola ovolandu atiamẽla Kovisonehua vio Helasi. Yesu wa citiwa vepata limue liolohukũi okuti lia kala volupale lumue lutito. Eye wa talavaya la isiaye, una wa kala kalupindelu. Yesu eye lika wa laikele oku popela omanu. Omo liaco, Yehova wo nõla oco a kale Osoma Yusoma wo kilu. Nda ove wunjali, kuatisa omõlove oku limbuka ndomo Yehova a nõla lutate epata kuenda ekalo Yesu a laikele oku kulila. U lomboluila ndomo Yehova a teyuila Yesu eci Herode a yonguile oku u ponda kuenda u sapuilavo okuti lacimue ci pondola oku tateka ocipango ca Yehova. U lomboluilavo ndomo Yehova a nõla Yoano oco a pongiye onjila ya Yesu. Ukuatisavo oku limbuka ndomo Yesu a lekisa okuti tunde vumalẽhe, wa solele olondunge via Yehova.