Sanda Otembo Yoku Kũlĩhã Suku

Omuenyo wove u pondola oku pongoloka nda wa sanda otembo yoku lilongisa catiamẽla ku Suku. Nda wa ci linga, ci ku kuatisa oku kuata ukũlĩhĩso wa Suku. Kũlĩhĩsa eci Yesu a popia catiamẽla ketosi liaco.

Ceci Yesu a popia

“Va sumũlũha vana va kuete enyona liukũlĩhĩso wa Suku, momo Usoma wovailu wavo.”—Mateo 5:3.

• Vosi yetu tu yongola oku kũlĩha atambululo apulilo amue ndeci: Cipi ocimãho comuenyo? Momo lie ku kasilili ohali yalua? Nye ci pita noke yoku fa? Tu sukila oku sanga atambululo kapulilo a-a oco tu kuate esanju.

“Omunu ka muila lika omuenyo kombolo, te kolondaka viosi vi tunda vomẽla wa Yehovaa.”—Mateo 4:4.

• Ndeci tu sukila okulia kuo ketimba, tu sukilavo okulia konepa yespiritu. Yesu wa tu vetiya oku sanda Suku olonjanja viosi, oco a tu kuatise oku kuata ukũlĩhĩso waye.

“Ondaka yove oyo ocili.”—Yoano 17:17.

• Yesu wa situlula onjila ya velapo yi lekisa ndomo Suku a tu kuatisa oku kuata ukũlĩhĩso Wondaka Yaye, pocakati Cembimbiliya.

Tu ku vetiya oku sanga esanju liocili poku sanda otembo yoku kũlĩha Suku kuenda oku sanda ukũlĩhĩso wondaka yaye. Kuli ovimalẽho vimue vi pondola oku ku kuatisa:

• Tanga Embimbiliya ocali.

• Pinga elilongiso limue Liembimbiliya komunu umueokuti li lingiwa ocali.