A tapi na mua i te mau fa pae varua mai ia Manaena

O Manaena te hoê o te mau taeae e aratai ra i roto i te amuiraa no Anetiohia i te senekele matamua. “Hoê â to raua te tavana Heroda haereraa i te haapiiraa.” (Ohi. 13:1) Te auraa ïa, e taeae o ˈna tei haere i te haapiiraa teitei e tei paari i roto i te hoê utuafare taoˈa rahi.

Noa ˈtu râ, ua maiti Manaena i te riro ei Kerisetiano e i te haa rahi i roto i te amuiraa. Aita o ˈna i faaohipa i to ˈna maramarama aore ra te feia tiaraa teitei ta ˈna i matau no te riro mai ei taata faahiahia. Ua tavini râ o ˈna i to ˈna mau taeae.

Te faaite ra te hiˈoraa o Manaena mea faufaa aˈe te taviniraa ia Iehova i te fanaˈoraa i te tiaraa teitei i roto i teie nei ao. Mai ia ˈna, e tia ia tatou ia tapi na mua roa te mau fa pae varua, eiaha râ te mau fa i te pae materia. (Mat. 6:33) Hau atu, noa ˈtu mea faufaa iho â te parau o te haapiiraa, mea au atoa “ia taa maitai ia [ta]tou eaha te mea faufaa roa ˈˈe,” e ia haapao eiaha ia vaiiho i te tahi noa ˈˈe mea ia haafifi i ta tatou taviniraa ia Iehova.—Phil. 1:9, 10.