Te mau Kerisetiano e te tamaˈi: Eaha ta te Bibilia e parau ra?

Mai ta tatou i ite no te tamaˈi i Ukraine, ua faaitoito te mau tia haapaoraa i te taata ia turu i te tamaˈi. Nafea te mau mero o te haapaoraa e turu ai i na tuhaa e piti:

• “Ia faahanahanahia e ia haamauruuruhia pauroa to matou mau aito o tei paruru i te feia o Ukraine i te enemi . . . Ia vai noa to matou aau, ta matou pure e ta matou turu ia outou pauroa.”—Tia haapaoraa Epiphane I no Kiev, tei faatiahia i roto The Jerusalem Post, 16 no Mati 2022.

• “Ua faatupu te tia haapaoraa Orthodoxe no Rusia hoê pureraa no te mau faehau Rusia i Tapati no te faaitoito ia ratou ia paruru to ratou fenua ‘mai ta te mau Rusia noa e nehenehe e rave’ a tamau noa ˈi o Moscou i te aro ia Ukraine.”—Reuters, 3 no Eperera 2022.

Nehenehe anei te mau Kerisetiano e apiti i te tamaˈi? Eaha ta te Bibilia e parau ra?

Eaha mau na ta te Bibilia e parau ra?

Te faaite ra te Bibilia aita te feia o te pee mau ra ia Iesu Mesia e apiti i te tamaˈi.

• “A faahoˈi i ta oe ˈoˈe i roto i te vehî, te taata atoa hoi e rave i te ˈoˈe, e pohe ïa i te ˈoˈe.”—Mataio 26:52.

  E auraro mau ra anei te hoê taata o te farii ra i te tamaˈi aore ra i te aroraa i ta Iesu mau parau?

• “E faaueraa apî ta ˈu e horoa ˈtu nei, ia here outou te tahi i te tahi. Mai ia ˈu i here ia outou, ia here atoa outou te tahi i te tahi. I te mea e mea here outou te tahi i te tahi, e ite ïa te taata atoa e e pǐpǐ outou na ˈu.”—Ioane 13:34, 35.

  E faaite anei te hoê taata o te turu ra i te tamaˈi i te here o ta Iesu i parau o te faaite ra o vai mau na ta ˈna mau pǐpǐ?

No te ite atu â, a taio te tumu parau “Peut-on concilier guerre et christianisme?”

Te mau Kerisetiano e te tamaˈi i teie mahana

Mea tano anei ia patoi te mau Kerisetiano i te apitiraa i te tamaˈi? E. Te tohu ra te Bibilia e i to tatou tau tei piihia “te mau mahana hopea,” te vai ra te mau taata o te mau nunaa atoa o te ore “e haapii faahou i te tamaˈi” ia au te mau haapiiraa a Iesu.—Isaia 2:2, 4, nota i raro i te api.

• No te ite atu â, a taio te anairaa tumu parau o Te Pare Tiairaa “Eaha to te Atua manaˈo i te tamaˈi?”

Fatata Iehovaa “te Atua o te hau,” e faaohipa i ta ˈna faatereraa i te raˈi no te faaora i te feia “i te haavîraa e te hamani-ino-raa.”—Philipi 4:9; Salamo 72:14.

• No te ite nafea, a hiˈo te video Eaha te Basileia o te Atua?