A faahiti i te mau ohipa e tupu ra i roto i ta outou taviniraa

I roto i ta ˈna taviniraa, ua faahiti Iesu i te mau ohipa e tupu ra no te haapii i te taata. (Lu 13:1-5) E nehenehe atoa outou e faahiti i te mau ohipa e tupu ra ia anaanatae te taata i te poroi o te Faatereraa arii. I muri iho i te faahitiraa i te parau o te moni rahi o te oraraa, te ati natura, te arepurepuraa, te raveraa i te raau taero aore ra te tahi atu tupuraa, a tuu i te uiraa no te haaferuri i te taata. A ani atu: “No oe, e hopea anei to te . . . ?” aore ra “Eaha te ravea no te . . . ?” I muri iho, a faaite atu i te tahi irava Bibilia e tano i tera tupuraa. Mai te peu e anaanatae te taata, a faaite atu i te hoê video aore ra te hoê papai o ta tatou Mauhaa no te taviniraa. A tutava ˈi tatou i te haaputapû i te aau o te taata, e rave anaˈe i “te mau mea atoa . . . no te parau apî oaoa.”​—Ko1 9:22, 23.

Eaha te mau tumu parau ta te feia o ta outou tuhaa fenua pororaa e anaanatae ra?