Ia aravihi atu â i roto i te taviniraa: A faaau ohie

NO TE AHA E MEA FAUFAA ˈI? E titau manihini te mau Kerisetiano faatavaihia e te mau mamoe ê atu i te mau taata atoa “ia rave noa mai i te pape ora.” (Apo 22:17) E faahohoˈa tera pape taipe i te mau faanahoraa atoa ta Iehova i rave no te mau taata auraro, a faaora ˈtu ai ia ratou i te hara e te pohe. No te tauturu i te mau taata e peu e e haapaoraa ê ta ratou, e titauhia ia faaite tatou i te “parau apî oaoa e te mure ore” ma te haapao i to ratou iho hinaaro mau.—Apo 14:6.

NAFEA ÏA?

• A maiti i te hoê tumu parau e te hoê irava Bibilia o te haaputapû i te aau o te taata o ta oe tuhaa fenua. E maiti paha oe i te tahi hiˈoraa no te aparauraa aore ra i te tahi atu ravea ta oe i faaohipa ê na e o tei manuïa. Eaha te mau tumu parau e irava Bibilia ta te taata e farii ohie? Ua itehia anei te tahi tupuraa ta te taata e feruri e e paraparau? Eaha te tano no te hoê tane aore ra no te hoê vahine?

• A aparau ai i te taata, a aroha ˈtu e a faahiti i te mau parau matauhia i roto i ta oe tuhaa fenua.—Ko2 6:3, 4

• Ia ite maitai oe i te mau papai e video o ta tatou mauhaa no te taviniraa e tia ˈi, no te faaite atu i te hoê taata tei anaanatae mai

• A rave mai i te mau haamaramaramaraa na roto i te reo o te taata ta oe paha e farerei i roto i te tuhaa fenua

• A faatano i te tumu parau ia au i te hinaaro mau o te taata. (Ko1 9:19-23) Ei hiˈoraa, eaha ta oe e parau a ite ai e ua ere te taata i tei herehia na roto i te pohe?

A MATAITAI I TE VIDEO E A PAHONO I TO MURI NEI MAU UIRAA:

• Eaha te tumu parau ta te taata poro i haamata i te faaohipa e te taata tei farii ia ˈna?

• Eaha te tupuraa ta teie taata i ite i roto i to ˈna oraraa?

• Eaha te mau irava Bibilia te tano roa ˈˈe i roto i tera tupuraa e no te aha?

• E nafea oe e faatano ai i ta oe e parau i te taata o ta oe tuhaa fenua?