Nafea ia roaa mai te faahopearaa i roto i ta tatou taviniraa faaora
1 Ua faatano te aposetolo Paulo i ta ˈna faaiteraa i te parau apî maitai “ia ora te tahi pae (...) i taua mau ravea atoa nei”. (Kor. 1, 9:19-23.) Mai te reira atoa, e rahi atu â te manuïaraa i roto i ta tatou taviniraa mai te peu e ineine tatou i te ite i te mau pu o te anaanataeraa o te taata o te tatara mai i te uputa e mai te peu e ua faaineine tatou i te faaau i ta tatou aparauraa i to ˈna mau hinaaro. E ere te reira i te mea fifi ia pûpû tatou i Te Pare Tiairaa e te A ara mai na! aore ra te hoê vea iti.
2 I muri aˈe i te faaiteraa ˈtu ia tatou, e nehenehe paha tatou e haamata ei hiˈoraa ma te parau e:
◼ “Te hepohepo ra e rave rahi taata i te iteraa e aita roa ˈtu te mau faatereraa o te ao e nehenehe e hopoi mai i te mau ravea tano i te mau fifi o teie nei mahana. Te vai nei te tahi pae o te pari ra e o te mau faatereraa te tumu o to ratou mau fifi. I to oe manaˈoraa, e nehenehe anei tatou e ite i te hoê faatereraa o te haamahâ maitai i to tatou mau hinaaro? [E vaiiho ia pahono.] Ua ite anei oe e te vai ra ia matou nei te hoê parau tǎpǔ papu no te hoê faatereraa o te faaore roa i to tatou mau fifi atoa?” E faaroo maite tatou i te pahonoraa a te taata. Ia au i ta ˈna e parau mai, ia ineine noa ïa tatou i te rave mai i te hoê o te mau faaiteraa e rave rahi.
3 Mai te peu e i roto i te mau parau a te taata te manaˈo ra tatou e kerisetiano o ˈna, e ani tatou ia ˈna i muri iho e mai te peu e te faahiti nei o ˈna i te pure “E to matou Metua”. Mai te peu e parau o ˈna e, e faahaamanaˈo tatou ia ˈna i te mau parau o taua pure ra e tae noa ˈtu i te pereota ra “Ia tae to oe ra hau. Ia haapaohia to oe hinaaro i te fenua nei, mai tei te ao atoa na.” (Mat. 6:9, 10). Te haapapu ra teie aniraa e e tupu te hinaaro o Iehova i nia i te fenua nei ia tae i te hoê mahana. E i muri iho, e aratai tatou i te ara-maite-raa i nia i te hoê tumu parau tano o Te Pare Tiairaa aore ra o te A ara mai na! aore ra i nia i te hoê vea iti o te faahaere atu â i mua te mau manaˈo i faahitihia, ei hiˈoraa te vea iti ra Te faatereraa o te haamau i te paradaiso, i te api 3.
4 Mai te peu aita hoê ohipa e faaite ra ia tatou e te tiaturi nei te taata i te Atua, e rave mai tatou i te Hebera 3:4 e hohora ˈtu ai i te apî 4 o te vea iti Te haapao mau ra anei te Atua ia tatou? E taio i te mau paratarapha 1 e te 2 e ui atu ia ˈna i te aniraa i raro i te apî. Aore ra, e faatupu tatou i te taairaa e te hoê tumu parau tano o te hoê vea apî.
5 Mai te peu e te oaoa nei te taata i to ˈna oraraa, e ani tatou ia ˈna e:
◼ “No te aha e tia ia anaanatae mau tatou i te mea o ta te Bibilia e parau ra no nia i te mau ohipa no a muri aˈe o te mau faatereraa?” E i muri iho e faaohipa tatou i te mau haamaramaramaraa i horoahia i roto i te buka Haaferuriraa i te apî 175, ma te faahiti poto noa hoê aore ra te tahi o te mau mau tumu e vau i horoahia. Mai te peu e e anaanatae te taata i ta tatou e parau ra, e faaohipa anaˈe i te api parau iti E ora anei teie nei ao?, ma te haamata e te paratarapha matamua, apî 2, no te faahaere atu â te aparauraa i mua.
6 Eita ta tatou aparauraa matamua e manuïa mai te peu e eita tatou e faaara i te hinaaro o te taata ia farii i te hoê hoˈi-faahou-raa e farerei. Tera râ, e ara tatou i te ani i te hoê uiraa anaanatae e haapapu tatou e e horoa tatou i te pahonoraa ia hoˈi mai tatou.
7 I roto i tei faahitihia i nia, e maiti anaˈe i te mea ohie no tatou ia parau. E faatano i taua mau manaˈo ra i ta tatou tuhaa fenua. E haamatau maitai anaˈe e te mau vea iti, te mau api parau iti e te mau tumu parau o te mau vea o ta tatou e faaohipa, e te reira no te faatano vitiviti noa i ta tatou aparauraa i te mau hinaaro o te taata e faaroo ra ia tatou. Ia faaineine maitai tatou i ta tatou mau faaiteraa “no te evanelia” e na reira e roaa ai te faahopearaa i roto i taua taviniraa faaora. — Kor. 1, 9:23.