Ia aravihi atu â i roto i te taviniraa—A faaineine i ta tatou mau parau matamua
No te aha mea faufaa ˈi? Mai te peu e e ere ta tatou omuaraa parau i te mea anaanatae, e faahope paha te taata i te aparauraa. Aita hoi tatou i faaite atura i te poroi ia ˈna. No reira, no e rave rahi taata poro, o ta ratou mau parau matamua te mea faufaa aˈe i roto i ta ratou faaiteraa. Te vai ra te mau hohoˈa faaiteraa i roto i Ta tatou taviniraa i te Basileia e te buka Haaferuriraa. I te tahi taime, e ere râ te taatoaraa o te faaiteraa. Ua na reirahia ia nehenehe tatou e faatano. Noa ˈtu e te vai ra te faaiteraa taatoa, e faaoti paha te feia poro e faatano i te reira aore ra e faaineine i ta ratou iho. Ma te maiti maitai i ta tatou mau parau matamua e aravihi atu â ïa tatou. Ia haere anaˈe mai te taata, eiaha e parau hanoa i te parau.—Mas. 15:28.
Ta oe e rave i teie avaˈe:
A faataa i te taime i te haamoriraa utuafare no te faaineine e faahiti faahou i ta oe mau parau matamua.
A poro ai oe, a faaite i te tahi atu mau taata poro eaha ta oe i opua e parau. (Mas. 27:17) A taui i ta oe omuaraa parau mai te peu e aita e tano.