A haafaufaa i te Mahana maa matamua o te avaˈe no te haamata i te haapiiraa Bibilia
Mai te avaˈe Me 2011 mai, ua faaitoitohia te feia poro ia haamata i te haapiiraa Bibilia i te Mahana maa matamua o te mau avaˈe atoa. No te tauturu mai, e faaineine-pinepine-hia na te tumu parau “Te pahono ra te Bibilia” i roto i Te Pare Tiairaa no te huiraatira. I te putuputuraa no te pororaa o te Mahana maa matamua o te avaˈe, e mea tia ïa ia faaite e nafea ia faaohipa i tera tumu parau a horoa ˈtu ai i te hoê faahiˈoraa.
Na te mau matahiapo e faaoti e poro amui anei te mau pǔpǔ pororaa i te Mahana maa matamua o te avaˈe i te Piha a te Basileia aore ra eita. Mai te peu râ e e rave rahi amuiraa te faaohipa ra i te reira, eiaha e taui i tera faanahoraa taa ê no te poro amui e te tahi atu mau pǔpǔ pororaa.