Les Témoins de Jéhovah—La foi en action, 1re partie: la sortie des ténèbres
I roto i te Bibilia, ua taaihia te maramarama i te parau mau, area te poiri i te haavare ïa. (Sal. 43:3; Isa. 5:20) Ua faaô mai Satani i te poiri i roto i teie ao i to ˈna haavareraa ia Eva e i te pae hopea ua haapoiri i te huitaata atoa. (Apo. 12:9) E faatia mai te DVD Les Témoins de Jéhovah—La foi en action, 1re partie: la sortie des ténèbres mea nafea te maramarama i te pae varua i te hitiraa mai mai te poiri mai. (Isa. 60:1, 2) A mataitai i te DVD e a pahono i te mau uiraa i muri nei.
(1) Mea nafea te poiri i te pae varua i parare ai i te poheraa te mau aposetolo? (2) I te omuaraa o te matahiti 1100, eaha tei tauturu i te taata ia taa e aita te mau haapaoraa e haapii ra i te parau mau? (3) O vai o Henry Grew e George Storrs? (4) Teihea mau tupuraa o te oraraa o Charles Russell i ohipa roa i nia ia ˈna? (5) Mea nafea Taeae Russell, to ˈna metua tane e te tahi mau hoa i faatere ai i ta ratou pǔpǔ haapiiraa Bibilia e eaha ta ratou i taa ia au i te mau Papai? (6) Mea nafea teie pǔpǔ haapiiraa Bibilia i amui ai i te pǔpǔ a Nelson Barbour e eaha râ te tumu Taeae Russell i faataa ê mai ai? (7) Eaha tei tupu i Tiurai 1879 i haamata ˈi te hoê tau apî e itehia ˈi te maramarama pae varua? (8) I muri aˈe, mea nafea te maraaraa o te Feia haapii Bibilia i ohipa ˈi i nia i te pororaa i te parau apî maitai? (9) Tau matahiti i na mua ˈtu, eaha ta te Feia haapii Bibilia i tiai i 1914? (10) Eaha te mau fifi ta te Feia haapii Bibilia i faaruru i te poheraa Taeae Russell? (11) Ua aha te Feia haapii Bibilia i te matararaa mai Taeae Rutherford e to ˈna mau hoa i te fare tapearaa? (12) Mea nafea te mataitairaa i teie DVD i faarahi ai i to outou mauruuru i ta Iehova faanahonahoraa? (13) Mea nafea teie DVD i faaitoito ai ia outou ia poro atu â noa ˈtu te mau fifi? (14) E nafea tatou e faaohipa ˈi i teie DVD no te tauturu i to tatou fetii, ta tatou mau piahi, e ia vetahi ê?
E tufaa pae varua faufaa mau ta te Feia haapii Bibilia i vaiiho mai! I roto i te hoê ao poiri mau i te pae varua, ua riro ratou ei tiarama itoito rahi. Ia pee ïa tatou i to ratou hiˈoraa a ‘haere noa ˈi mai te mau tamarii o te maramarama.’—Eph. 5:8.