Les Témoins de Jéhovah—La foi en action, 2e partie: Que brille la lumière!
A matara ˈi Taeae Rutherford e to ˈna mau hoa mai te fare tapearaa i 1919, e ohipa rahi roa te tiai ra i te Feia haapii Bibilia. Mai tei faaitehia i roto i te DVD Les Témoins de Jéhovah—La foi en action, 2e partie: Que brille la lumière! ua patoi-rahi-hia te Feia haapii Bibilia, ua rahi atu â to ratou maramarama i te mau Papai e ua puai atu â to ratou faaroo. (Mas. 4:18; Mal. 3:1-3; Ioa. 15:20) I muri aˈe i to outou mataitairaa i te reira, a pahono i te mau uiraa i muri nei.
(1) Eaha te mau ravea a te Feia haapii Bibilia no te haaparare i te parau apî maitai? (2) Eaha tei faaitehia i te mau tairururaa taa ê i 1931 e 1935? (3) Eaha tei haapapuhia i roto i Te Pare Tiairaa o te 1 no Novema 1939 (Beretane)? (4) A faataa eaha tei tupu i te oreroraa parau “Faatereraa e hau” a Taeae Rutherford i Madison Square Garden? (5) No te aha mea anaanatae mau ai te oreroraa parau “Te hau—E vai maoro anei?” a Taeae Knorr? (6) I 1942, eaha ta te mau Ite no Iehova i faanaho no te poro rahi atu â? (7) A faataa i te tahi mau aroraa i mua i te ture i Marite, Kanada e i Heleni? (8) Eaha te tuhaa a te Haapiiraa Bibilia no Gileada i maraa rahi ai te ohipa pororaa? (9) Eaha te ohipa faufaa i haamata i 1946 e no te aha? (10) Eaha ta te mau Ite no Iehova i rave ei haapapuraa e te tu ra to ratou haerea i te ture aveia Bibilia? (11) A faataa i te tahi mau faatanoraa i ravehia i te mau matahiti 1970 ei haapapuraa e te pee maite ra te faanahonahoraa i te aratairaa a te Bibilia. (12) E nafea te mataitairaa i teie DVD e faarahi ai i to outou mauruuru e te faatere ra Iehova i te mau mea atoa e o ta ˈna faanahonahoraa teie? (13) E nafea teie DVD e turai atu â ˈi ia oe ia poro ma te itoito noa ˈtu te mau haafifiraa? (14) E nafea ia faaohipa i teie DVD no te tauturu i to tatou fetii, ta tatou mau piahi, e ia vetahi ê?
A mairi noa ˈi tera e tera mahana, e tupuraa apî noa to te aamu o te mau Ite no Iehova. Eaha ïa te parauhia no nia i ta tatou mau tutavaraa i roto i te taviniraa? Mai to tatou mau taeae e tuahine i tahito, ia faaitoito rahi ïa tatou i te ‘faaanaana i te maramarama’!—Kor. 2, 4:6.