A poro ma te taiâ ore i te vahi tapihooraa
1. No te aha eiaha ˈi e taora i te tauera ia poro i te vahi tapihooraa?
1 No oe, mea haama aore ra mea taiâ anei ia poro i te vahi tapihooraa? Mai te peu e e, eiaha e taora i te tauera. I faaitoito atoa na Paulo, ei tavini mǎtaˈu ore, i te poro. (Tes. 1, 2:2) E hiˈopoa mai ïa tatou i te tahi mau haapeapearaa matauhia e te tahi mau manaˈo tauturu.
2. No te aha eiaha ˈi e haapeapea ia taupupu te ohipa?
2 E riri anei te rave ohipa ia taupupu ta ratou ohipa? I te vahi tapihooraa, e taupupu iho â te ohipa ia nehenehe te rave ohipa e tauturu i te taata. E farii maitai ratou i te hoani. Ia ahu tatou ma te tura a faaite ai i te hoê huru mahanahana e auhoa, e faaitoito tatou ia ratou ia faatura mai.
3. E nafea tatou ia ore te hoani e riri?
3 E poro anei au i mua i te mau hoani? Ia nehenehe, a maiti i te taime aita i rahi roa te ohipa, i te matararaa iho â te uputa. A tiai ia vata te taata haapao a haafatata ˈtu ai ia ˈna. A haapoto i ta oe faaiteraa.
4. Eaha te parau atu ia poro tatou i te vahi tapihooraa?
4 Eaha te parau atu? Mai te peu e mea rahi te rave ohipa, a paraparau i te taata haapao. E parau paha oe: “Mea fifi ia farerei i te rave ohipa i ǒ ratou no reira matou e haere mai ai i teie vahi. Te ite ra vau e te ohipa ra oe, e haapoto noa ïa vau.” Ia ore te taata hoo taoˈa ia huru ê, e mea maitai aˈe eiaha e faahiti i te parau o te mau ô aita anaˈe i anihia mai. Ia au i te huru o te ohipa, a ani i te taata haapao e nehenehe anei e paraparau poto noa i te rave ohipa. A faahiti faahou i ta oe faaiteraa. Aita anaˈe ratou e vata, a haapoto i ta oe faaiteraa e a vaiiho atu i te hoê api parau. Mai te peu e eita e nehenehe e paraparau ia ratou, e vaiiho paha ïa oe i te tahi mau papai i te vahi e faafaaea ˈi ratou.
5. No te aha e poro ai ma te taiâ ore i te vahi tapihooraa?
5 I poro na Iesu e Paulo i te vahi tapihooraa, e nehenehe atoa oe. (Mat. 4:18-21; 9:9; Ohi. 17:17) A pure ia Iehova ia hau to aau e ia itoito oe. (Ohi. 4:29) I te vahi tapihooraa, e ite iho â oe i te taata, no te aha e ore ai e tamata i teie huru pororaa?