E nafea ia pûpû i te mau vea

La Tour de Garde 1 no Mati

“E mea fifi mau ia rave i te mea tia ia faahepo mai te taata ia rave i te mea taa ê roa. I to oe manaˈo, eaha te nehenehe e tauturu ia tatou eiaha ia hema ˈtu? [A vaiiho i te taata ia pahono. E a taio i te Maseli 29:25.] Te haamahitihiti ra teie tumu parau faufaa e pae tumu no te mǎtaˈu i te faainoino i te Atua eiaha râ te taata.” A rave i te tumu parau e haamata i te api 12.

Réveillez-vous! Mati

“Mea au na tatou paatoa e fanaˈo i te mau hoa maitatai. Teihea mau huru maitatai ta oe e haafaufaa i ǒ i te hoê hoa? [A vaiiho i te taata ia pahono.] A tapao na i teie faataaraa i roto i te Bibilia. [A taio i te Maseli 17:17.] Tei vai ra i roto i teie tumu parau te mau manaˈo tauturu no te maiti i te mau hoa maitatai e no te riro ei hoa maitai no vetahi ê.” A rave i te tumu parau e haamata i te api 18.

Te Pare Tiairaa 1 no Me

“Te hinaaro nei au e ite i to oe manaˈo i teie mau parau a Iesu. [A taio i te Ioane 3:3.] I to oe manaˈo, eaha te auraa ia fanau-faahou-hia? [A vaiiho i te taata ia pahono.] E ohipa te taa-maitai-raa i te mau parau a Iesu i nia i to tatou oraraa e ta tatou mau tiairaa no te tau no a muri aˈe. Te faataa ra teie vea no te aha.”

Réveillez-vous! Eperera

“E au ra e te ahoaho ra e rave rahi tamarii haere haapiiraa. I to oe manaˈo, ua taui anei te mau mea mai te tau o to ratou mau metua? [A vaiiho i te taata ia pahono.] E faahopearaa ino to te ahoaho rahi roa. [A taio i te Koheleta 7:7a.] Te aparau ra teie vea e nafea te taata paari e nehenehe ai e tauturu i te feia apî ia faaruru i te reira.”