E nafea ia pûpû i te mau vea

La Tour de Garde 1 no Atete

“E rave rahi te manaˈo ra e e haere paatoa te feia maitatai i te raˈi. O ta oe anei e tiaturi atoa ra? [A vaiiho i te taata ia pahono.] A tapao na i ta teie irava e parau ra no te fenua. [A taio i te Salamo 37:11, 29.] E faaite teie tumu parau i ta Iesu i haapii no nia i te a muri aˈe o te taata i te fenua nei.” A haamahitihiti i te tumu parau i te api 22.

Réveillez-vous! Atete

“Mea iti te mau tupuraa i roto i te oraraa o te haamauiui aˈe, i te pohe o te hoê metua. Tera mau anei? [A vaiiho i te taata ia pahono.] E rave rahi tei tamahanahanahia e te mau irava bibilia mai teie. [A taio i te Apokalupo 21:4.] E faataa teie tumu parau e nafea, te mau taurearea iho â râ, e haavî ai i te mau manaˈo hohonu e tupu mai.” A faaite i te tumu parau i te api 10.

Te Pare Tiairaa 1 no Atopa

“Te parau ra vetahi e ia ore oe e taiva i te Atua, e taoˈahia oe. Mai te peu râ e mea veve oe no to te Atua ïa au ore. Eaha to oe manaˈo? [A vaiiho i te taata ia pahono.] A tapao na e e ere o Iesu i te taata taoˈa. [A taio i te Luka 9:58.] E faaite teie vea i te huru haamaitairaa ta te mau tavini a te Atua e fanaˈo.”

Réveillez-vous! Tetepa

“Ia manaˈo oe, ua rahi aˈe anei te fifi o te feia apî i teie mahana i na mua ˈˈe? [A vaiiho i te taata ia pahono.] Te manaˈo ra e rave rahi e te faataa maitai ra teie irava i to tatou nei tau. [A taio i te Timoteo 2, 3:1.] E haamahitihiti teie vea i te tahi mau faaueraa tumu bibilia e au ia faaohipa no te tauturu i te mau metua e te mau taurearea.”