E nafea ia pûpû i te mau vea

La Tour de Garde 1 no Nov.

“I to oe manaˈo, ia faaohipa te mau tane e ta ratou mau vahine i teie aˈoraa bibilia, e paari atu â anei to ratou faaipoiporaa? [A taio i te Ioba 31:1. A vaiiho i te taata ia pahono.] Te faataa ra teie tumu parau i te mau faaueraa tumu bibilia te nehenehe e tauturu i te mau hoa faaipoipo ia tapea i te faaauraa i to ratou faaipoiporaa.” A haamahitihiti i te tumu parau e haamata i te api 18.

Réveillez-vous! Nov.

“Te farii ra te rahiraa o te taata e te iti ra te mau faufaa o te moana i nia i te hoê faito riaria mau. I to oe manaˈo, e manuïa anei te mau faatereraa taata i te faatitiaifaro i teie fifi? [A vaiiho i te taata ia pahono. E a taio i te Mataio 6:10.] Te hiˈopoa ra teie tumu parau vetahi mau tumu e haapeapea ˈi te taata e te haamahitihiti ra i te ravea a te Atua.” A rave i te tumu parau e haamata i te api 20.

Te Pare Tiairaa 1 no Ten.

“I teie taime o te matahiti, e rave rahi taata e manaˈo nei ia Iesu. No oe, eaha te mana o Iesu i nia ia oe? [A vaiiho i te taata ia pahono.] Te faaitoito ra te Bibilia ia tatou ia pee i te hiˈoraa o Iesu. [A taio i te Petero 1, 2:21.] E nehenehe te na reiraraa e faariro ia tatou ei taata oaoa aˈe, maitai aˈe. Te faataa ra teie vea no te aha.”

Réveillez-vous! Tit.

“Te feruriruri noa ra te taata i teie uiraa ehia senekele i te maoro. [A huti i te ara-maite-raa i nia i te uiraa o te api matamua.] I to oe manaˈo, ihea tatou e nehenehe ai e ite i te hoê pahonoraa e tano? [A vaiiho i te taata ia pahono.] A tapao na no te aha tatou e nehenehe ai e fariu i te Atua ra no te hoê pahonoraa. [A taio i te Salamo 100:3.] Te faaite ra teie vea eaha ta te Bibilia e parau ra i nia i te reira.”