Haapiiraa i te buka rairai E ara!
Porotarama haapiiraa no te mau hebedoma o te 12 no Tenuare e tae atu i te 16 no Fepuare 2009
A faaohipa i te mau uiraa i muri nei ia faaineine e ia faatere outou i te haapiiraa buka a te amuiraa. I te roaraa o te haapiiraa, a taio i tei papaihia e te mau irava bibilia i horoahia ia taimehia.
Hebedoma o te 12 no Tenuare
◼ Api 3-4: Teihea tupuraa i faaitehia i ǒ nei te ohipa nei i nia i to outou oraraa? Eaha te faaite ra ia outou e e ere te reira i te mau tupuraa no to outou noa vahi?
◼ Api 5: Eaha te haapapu ra ia outou e te tâuˈa mau maira te Atua? Eaha te nehenehe e faaite e te tâuˈa mau ra tatou i te Atua e i ta ˈna e rave ra?
◼ Api 6-8: Eaha ta te Mataio 24:1-8, 14 e parau ra no nia i te auraa o te mau huru tupuraa o te ao i teie tau? Ia au i te Timoteo 2, 3:1-5, te ora nei tatou i teihea tau? E anotau hopea o te aha? Eaha te haapapu ra ia outou e e Parau na te Atua iho â te Bibilia? Eaha te Basileia ta tatou e poro ra?
◼ Api 9-10: No te aha e mea titauhia ˈi ia feruri maite tatou i ta tatou mau faaotiraa o te mahana taitahi e ta tatou e rave na mua i roto i te oraraa? (Roma 2:6; Gal. 6:7) A hiˈopoa ˈi outou i te mau uiraa o te api 10, eaha te mau irava bibilia o te puta mai e mea tia ia ohipa i nia i ta outou mau ohipa?
Hebedoma o te 19 no Tenuare
◼ Api 11: No te aha e titauhia ˈi ia hiˈopoa tatou iho i te mau uiraa i nia i teie api? (Kor. 1, 10:12; Eph. 6:10-18) Te faaite ra anei ta tatou mau pahonoraa i tera mau uiraa e te haafaufaa ra tatou i ta Iesu aˈoraa i roto i te Mataio 24:44?
◼ Api 12-4: Eaha “te hora faautuaraa” i faahitihia i roto i te Apokalupo 14:6, 7? Eaha te auraa ‘e mǎtaˈu i te Atua, e faahanahana ˈtu ia ˈna’? Eaha o Babulonia Rahi, e eaha te tupu i nia ia ˈna? No nia ia Babulonia Rahi, eaha te ohipa e mea tia ia rave tatou i teie nei? Eaha ˈtu â te hora tohuhia o te faautuaraa? Eaha te faahopearaa o to tatou ite ore i “te mahana e te hora” e faatupu ai te Atua i ta ˈna faautuaraa i nia ia tatou? (Mat. 25:13)
◼ Api 15: Eaha te tumu parau o te mana arii, e eaha te taairaa o te reira e o tatou taitahi?
Hebedoma o te 26 no Tenuare
◼ Api 16-9: Eaha te “raˈi apî” e te “fenua apî”? (Pet. 2, 3:13) O vai tei fafau i tera mau mea? Eaha te tauiraa ta te raˈi apî e te fenua apî e rave? E faufaahia anei tatou iho i taua tauiraa ra?
◼ Api 20-1: Eaha te faaararaa no nia i te maueraa ta Iesu i horoa i ta ˈna mau pǐpǐ o te senekele matamua? (Luka 21:20, 21) Afea ra tera maueraa i te tupuraa? No te aha e mea ru ai ia maue ma te ore e haamarirau? (Mat. 24:16-18, 21) No te aha te taata e rave rahi e tâuˈa ore ai i te mau faaararaa? Mea nafea to te mau tausani taata i Taina e i Philipino oraraa mai no to ratou haapaoraa i te mau faaararaa e nehenehe e tiaturihia? No te aha e mea ru roa ˈtu â ˈi ia haapao i ta te Bibilia faaararaa no nia i te hopea o teie nei ao? No te mea e tau ru rahi teie, eaha ta tatou hopoia? (Mas. 24:11, 12)
Hebedoma o te 2 no Fepuare
◼ Api 22-3: I Auteralia i 1974 e i Colombie i 1985, no te aha e rave rahi taata i ore ai i haapao ma te tâuˈa ore mau i te mau faaararaa no nia i te ati, e eaha te mau faahopearaa? I to outou manaˈo, eaha to outou huru ia faaroo outou i tera mau faaararaa, e no te aha? Eaha te nehenehe e faaite e e haapao anei tatou i te faaararaa i te anotau o Noa ra? No te aha te taata i hinaaro ai e ora i roto i te oire i tahito ra o Sodoma e i pihai iho? Eaha te faufaa ia feruri maite i te ohipa i tupu i Sodoma?
◼ Api 24-5 par. 8: A faaohipa i te mau “Uiraa o te haapiiraa” i te api 27.
Hebedoma o te 9 no Fepuare
◼ Api 25 par. 9–api 27: A faaohipa i te mau “Uiraa o te haapiiraa” i te api 27.
◼ Api 28 par. 1-5: A faaohipa i te mau “Uiraa o te haapiiraa” i te api 31.
Hebedoma o te 16 no Fepuare
◼ Api 29 par. 6–api 31: A faaohipa i te mau “Uiraa o te haapiiraa” i te api 31.