“Ia tae to oe ra hau”: Te hoê pure faahitihia na e mirioni taata
Ua pure aˈena anei oe ia tae mai te hau aore ra Basileia o te Atua? Tae roa mai i teie mahana, e mirioni taata tei faahiti noa i teie mau parau “Ia tae to oe ra hau.” No te aha? No te mea ua parau Iesu i ta ˈna mau pǐpǐ ia pure no te Basileia aore ra Faatereraa arii a te Atua.
I te omuaraa, aita ta Iesu mau pǐpǐ i taa i ta ˈna mau parau atoa no nia i te Faatereraa arii. Ua ui ratou ia ˈna: “E te Fatu, i teie nei oe e haamau faahou ai i te faatereraa arii i Iseraela?” Ua maere paha ratou aita Iesu i pahono tia ˈtu. (Ohipa 1:6, 7) Te auraa anei ïa eita tatou e ite eaha te Faatereraa arii a te Atua e afea te reira e tae mai ai? E ere!
E tauturu teie Pare Tiairaa ia oe ia ite mai i te pahonoraa i teie mau uiraa:
No te aha tatou e hinaaro ai i te Faatereraa arii a te Atua?
O vai te Arii o te Faatereraa arii a te Atua?
Afea te Faatereraa arii a te Atua e faatere ai i te fenua?
Eaha ta te Faatereraa arii a te Atua e rave?
No te aha e turu ai i te Faatereraa arii a te Atua i teie nei â?
Eaha te Faatereraa arii a te Atua?